شاراعا گەولوگيا جانە جەر قويناۋىن پايدالانۋ كوميتەتىنىڭ توراعاسى اقباتىر نادىرباەۆ, پارلامەنت ءماجىلىسىنىڭ دەپۋتاتى – گالينا بايماحانوۆا, رەسەي فەدەراتسياسىنىڭ بالا-جاسوسپىرىمدىك گەولوگيالىق قوزعالىسىنىڭ ورتالىق كەڭەسىنىڭ توراعاسى, جەر قويناۋىن پايدالانۋ بويىنشا فەدەرالدى اگەنتتىكتىڭ باس مامانى سۆەتلانا ياشينا, «مۇنايشى-گەولوگتاردىڭ قازاقستاندىق ۇيىمى» اق پرەزيدەنتى بالتابەك قۋاندىقوۆ ءسوز سويلەپ, وليمپيادا قاتىسۋشىلارىنا ساتتىلىك تىلەدى.
شارانىڭ قوناقتارى «جاس گەولوگ» بىرلەسكەن قورىنا وليمپيادانى ۇيىمداستىرعانى ءۇشىن العىس ءبىلدىردى. سونداي-اق وليمپيادا جاستاردىڭ كاسىپتىك باعىتىنا, گەولوگيا عىلىمىن زەرت-
تەۋگە وقۋشىلاردىڭ قىزىعۋشىلىعىن ارتتىرۋعا, ءوسىپ كەلە جاتقان ۇرپاققا گەولوگيانى عىلىم رەتىندە دارىپتەۋگە باعىتتالعانى ايتىلدى.
وليمپياداعا قاتىسىپ جاتقان 20 كوماندانىڭ ىشىندە رەسەي فەدەراتسياسىنان قىرعىز رەسپۋبليكاسىنان, وزبەكستاننان كەلگەن قوناقتار بار. ايتا كەتۋىمىز كەرەك, 2010 جىلى ءى قازاقستاندىق وليمپيادادا بارلىعى 8 كوماندا قاتىسقان بولاتىن. اتاپ وتەتىن جايت, جاس گەولوگتاردىڭ تەك كوماندا سانى عانا ەمەس, دايىندالۋ دەڭگەيى دە وسكەن.
گەولوگيا جانە جەر قويناۋىن پايدالانۋ كوميتەتىنىڭ توراعاسى وليمپياداعا قاتىسۋ – تەوريالىق جانە پراكتيكالىق ءبىلىمىڭدى كورسەتۋدىڭ جاقسى مۇمكىندىگى ەكەنىن اتاپ ءوتتى. قاتىسۋشىلاردىڭ ىشىنەن كوبى ءوز ءومىرىن وتە رومانتيكالىق ماماندىقتىڭ بىرىمەن بايلانىستىراتىنىنا ءۇمىت ارتتى جانە جاقسى كوڭىل-كۇي, جارىستا ساتتىلىك تىلەدى.
وليمپيادا قاتىسۋشىلارىن گەولوگيالىق تىلمەلەر مەن كارتالاردى قۇرۋ, مارشرۋتتار سالۋ, مينەرالوگيا جانە پەتروگرافيا نەگىزدەرىنەن ءبىلىم سايىستىرۋ كۇتىپ تۇر. جاس گەولوگتاردىڭ V قازاقستان اشىق دالالىق وليمپياداسى 27-شىلدە مەن 3-تامىز ارالىعىندا وتەدى.
«ەگەمەن-اقپارات»
