– جاقىن ارادا «نۇرلى جەر» باعدارلاماسى بويىنشا تاعى 195 وتباسىنا جاڭا پاتەر بەرۋ جوسپارلانىپ وتىر. قازىرگى تاڭدا ازاماتتاردىڭ تولەم قابىلەتى بويىنشا ءتىزىم جاساقتالۋدا. بيىلعى جىلدىڭ سوڭىنا دەيىن وسى شاعىن اۋداندا قوسىمشا 9 ءۇيدى پايدالانۋعا بەرۋ جوسپارلانعان, دەيدى تۇرعىن ءۇي- كوممۋنالدىق شارۋاشىلىعى, جولاۋشىلار تاسىمالى جانە اۆتوكولىك جولدارى ءبولىمىنىڭ باسشىسى رافحات جولديەۆ.
– مەن «از قامتىلعان وتباسى» كاتەگورياسى بويىنشا كەزەكتە تۇرمىن. ءبىراز ۋاقىت وتباسىممەن ەسكى پاتەردە تۇردىق, كەيىن بىرنەشە جىل پاتەر جالداۋعا تۋرا كەلدى. بۇگىن بىزگە ءوز ءۇيىمىزدىڭ كىلتى بەرىلدى, – دەيدى اتىراۋ قالاسىنىڭ تۇرعىنى سالاۋات مۇتاليەۆ.
ايتا كەتەيىك, جاقىن ارادا «بەرەكە» شاعىن اۋدانى كەڭەيتىلەدى. بولاشاقتا بۇل جەردە
40 كوپقاباتتى تۇرعىن ءۇي بوي كوتەرەدى دەپ جوسپارلانعان. بيىلعى جىلى «بەرەكەدە» 1200 ورىندىق مەكتەپ پەن 290 ورىندىق 2 بالاباقشانىڭ قۇرىلىسى باستالادى.
– قازىرگى ۋاقىتتا «نۇرسايا» شاعىن اۋدانىندا 105 پاتەرلى 2 كوپقاباتتى تۇرعىن ءۇي پايدالانۋعا بەرۋگە دايىن. بۇل كوپ-قاباتتى تۇرعىن ۇيلەر «تقجب» سالىمشىلارىنا بەرىلەدى, – دەيدى تۇرعىن ءۇي-كوممۋنالدىق شارۋاشىلىعى, جولاۋشىلار تاسىمالى جانە اۆتوكولىك جولدارى ءبولىمىنىڭ باسشىسى ر. جولديەۆ.
اتىراۋ قالالىق اكىمدىگى بەرگەن اقپارات بويىنشا, قازىرگى تاڭدا 20 مىڭعا جۋىق ادام ءۇي كەزەگىندە تۇر, وڭىردە تۇرعىن ءۇي ماسەلەسى كەزەڭ-كەزەڭىمەن شەشىمىن تاباتىن بولادى.
باقىتگۇل باباش,
«ەگەمەن قازاقستان»
اتىراۋ
