بيىل گرانت كوبەيدى

باسقوسۋدا ءمالىم بولعانداي, جىل بويى مينيسترلىك ىرىكتەۋ ساپاسىن ارتتىرۋ جانە ستۋدەنتتەر كونتينگەنتىن قالىپ­تاس­تىرۋ بويىنشا بىرقاتار جۇيەلى جۇمىستار اتقارعان. ما­ڭىزدىسى, بيىل مەم­لەكەت باس­شىسى نۇرسۇلتان نازار­باەۆ­تىڭ «بەس الەۋمەتتىك باس­تاما­سى» اياسىندا مەملەكەتتىك تاپ­سىرىستىڭ كولەمى 20 مىڭ گرانتقا ارتىپ وتىر. ونىڭ 11 مى­ڭى تەحنيكالىق باعىتتارعا, ونىڭ ىشىندە اقپاراتتىق تەحنولوگيالار, روبوت تەحنيكاسى جانە نانوتەحنولوگيالار سالالارىنا, 5 مىڭى ەڭبەك نارىعىندا قا­جەت­تىلىك بايقالىپ وتىرعان باسقا ما­ماندىقتارعا, 3 مىڭى ماگيستر­لەردى دايارلاۋعا, 1 مىڭى PhD دوك­تور­لارىن دايارلاۋعا باعىت­تالدى. ءسويتىپ جوعارى ءبىلىم گرانت­تارىنىڭ سانى 53 594-كە جەت­كەن.

ءبىلىم گرانتتارىنىڭ 5944-ءى كۇندىزگى وقىتۋدىڭ 1-كۋرسىنا, 2650-ءى جوعارى وقۋ ورىندارىنىڭ دا­يىندىق بولىمدەرىنە قابىل­داۋعا بولىنگەن. كورسە­تىلگەن با­سىم­دىقتاردى ەسكەرە وتىرىپ, 24737 گرانتتى تەحنيكالىق جا­نە تەحنولوگيالىق مامان­دىق­­تارعا, 9499 گرانتتى پەدا­­گو­­گيكالىق, 2785 گرانتتى اۋىل شارۋاشىلىعى جانە ۆەتەرينا
ريا, 2700 گرانتتى مەدي­تسي­نا­لىق, 1450 گرانتتى گۋما­­ني­­تار­لىق, 100 گرانتتى قۇقىق, 300 گرانت­تى ونەر, 1780 گرانت­­تى الەۋ­­مەتتىك عىلىمدار, ەكو­نو­ميكا جانە بيزنەس, 3246 گرانت­تى تا­بي­عي عىلىمدار, 2330 گرانت­تى قىز­مەت كورسەتۋ, 500 گرانتتى اس­كەري ءىس جانە قاۋىپ­سىز­دىك مامان­دىق­تارىنا ءبولۋ كوز­دەلىپ وتىر. سو­نىمەن قاتار مەم­لەكەتتىك تاپ­سىرىستى ورنالاس­تىرۋعا رۇق­سات ەتىلگەن جوعارى وقۋ ورىن­دارىنىڭ ءتىزىمى دە تو­لىعا تۇسكەن.

ءبىلىم گرانتتارىن تا­عايىنداۋ كونكۋرسىنا 75430 ادام قۇجات تاپسىرعان ەكەن. سونىڭ 60327-ءسى قازاق تىلىندە ءبىلىم العىسى كەلەتىنى ايتىل­دى, ال 14810-ى ورىس تىلىندە وقۋعا نيەت بىلدىرگەن, ال اعىل­شىن ءتىلىن 293 تالاپكەر قاجەتسى­نىپ وتىر, دەدى ماماندار. وعان قوسا «ماڭگىلىك ەل جاستارى – يندۋس­ترياعا!» جوباسىنىڭ اياسىندا ستۋ­دەن­ت­تەردى وقىتۋ كۆوتاسى بويىن­شا كونكۋرستا 5494 ادام ءبىلىمىن سىناپ كورمەك.

دينارا بىتىك,

«ەگەمەن قازاقستان»