نۇرسۇلتان نازارباەۆ:
ۇلتتىق مۇددەلەردى قامتاماسىز ەتۋگە, ەلدىڭ حالىقارالىق بەدەلىن ارتتىرىپ, ۇلتتىق, وڭىرلىك جانە جاھاندىق قاۋىپسىزدىكتى نىعايتۋعا باعىتتالعان بەلسەندى, پراگماتيكالىق جانە تەڭدەستىرىلگەن سىرتقى ساياسات جۇرگىزىلەتىن بولادى.
(قازاقستان حالقىنا جولداۋىنان).
مەملەكەت باسشىسى نۇرسۇلتان نازارباەۆ ماسكەۋگە جۇمىس ساپارى بارىسىندا رەسەي فەدەراتسياسىنىڭ پرەزيدەنتى دميتري مەدۆەدەۆپەن جانە رەسەي ۇكىمەتىنىڭ ءتوراعاسى ۆلاديمير پۋتينمەن كەزدەسۋلەر وتكىزدى. رەسەيلىك ارىپتەسىمەن زاۆيدوۆاداعى, قالا سىرتىنداعى رەزيدەنتسيادا بولعان اڭگىمە كەزىندە ەكونوميكالىق ىنتىماقتاستىقتى دامىتۋعا قاتىستى ەكى جاقتى قارىم-قاتىناس ماسەلەلەرى, سونداي-اق حالىقارالىق كۇن تارتىبىندەگى وزەكتى ماسەلەلەر تالقىلاندى. سولاردىڭ اراسىندا جەڭىستىڭ الداعى 65 جىلدىعى تاقىرىبى دا ءسوز بولدى. نۇرسۇلتان نازارباەۆ ماسكەۋگە 9 مامىردى مەرەكەلەۋگە قاتىسۋعا شاقىرۋى ءۇشىن دميتري مەدۆەدەۆكە العىس ايتتى. ول ەكىنشى جاھاندىق سوعىستىڭ قورىتىندىلارىن ەشقانداي دا تاريحي قايتا قاراۋ بولماۋعا ءتيىس دەپ مالىمدەدى. نۇرسۇلتان ءابىش ۇلى رەسەي پرەزيدەنتىمەن وسى جولعى كەزدەسۋ سەكىلدى بەيرەسمي بايلانىس كەيدە رەسمي كەزدەسۋدەن ماڭىزدىراق ەكەنىن اتاپ ءوتتى. دميتري مەدۆەدەۆ ءوز كەزەگىندە ەقىۇ ءسامميتىن بيىلعى جىلى قازاقستاندا وتكىزۋ تۋرالى نۇرسۇلتان نازارباەۆتىڭ باستاماسىنا قولداۋ ءبىلدىردى. – قازاقستانعا ۇيىمعا تابىستى توراعالىق تىلەگىم كەلەدى. بۇل كوپ قاجىر-قايراتتى تالاپ ەتەتىن ايتارلىقتاي ەلەۋلى جۇمىس. ءبىز ءسىزدىڭ رەسپۋبليكاعا بارىنشا كومەكتەسۋگە ءازىرمىز جانە بىرلەسكەن باستامالاردى ىسكە اسىرۋعا دايىنبىز. الدا ءبىز وڭىرلىك قاۋىپسىزدىك ماسەلەلەرىن تالقىلايتىن بىرقاتار فورۋمدار بار. وتكەن جىلى بولعان سىناقتار, وكىنىشكە وراي, ءالى ساقتالىپ وتىر. مەن قىلمىستى دا, ەسىرتكىنى دە, اۋعانستان جانە پاكستان پروبلەمالارىن قوسا العاندا ىشكى وڭىرلىك سيپاتى بار بىرقاتار پروبلەمالاردى دا ايتىپ وتىرمىن. تۇتاستاي العاندا, بارلىق وسى ماسەلەلەر بويىنشا بىزدە دوستىق ۇنقاتىسۋ ءجۇرىپ جاتىر, – دەپ اتاپ ءوتتى رەسەي كوشباسشىسى. سونىمەن قاتار زاۆيدوۆوداعى كەزدەسۋدە ەكونوميكالىق ىنتىماقتاستىق ماسەلەلەرى دە تالقىلاندى. رەسەي پرەزيدەنتىنىڭ سوزىنە قاراعاندا, ەكونوميكالىق تا, گۋمانيتارلىق تا سالالاردا ەكى جاقتى ءوزارا ىقپالداستىق جولدارىن بەلگىلەۋ قاجەت. اتاپ ايتقاندا, بىرقاتار ەكونوميكالىق ۇدەرىستەردى جانداندىرۋ تۋرالى ويلاسۋ, بيزنەستىڭ دامۋىنا كومەكتەسۋ قاجەت, دەپ سانايدى دميتري مەدۆەدەۆ. نۇرسۇلتان نازارباەۆ ءوز كەزەگىندە قازاقستان بيىلعى جىلعا ۇلكەن ۇمىتپەن قارايتىنىن جەتكىزدى. الدا بولاتىن ەۋرازەق مەملەكەتتەرىنىڭ باسشىلارى دەڭگەيىندەگى كەزدەسۋ تۋرالى ايتا كەلىپ, قازاقستان كوشباسشىسى ءبىزدىڭ تاراپتىڭ ونى وتكىزۋ مەرزىمى جونىندەگى ۇسىنىستى مۇقيات قاراۋعا ءازىر ەكەنىن ءبىلدىردى. ەقىۇ سامميتىنە قاتىستى قازاقستان پرەزيدەنتى بۇل فورۋم وسى زامانعى قاۋىپسىزدىكتىڭ دە, ەكونوميكانىڭ دا, ادامدىق ولشەمدەردىڭ دە جاي-كۇيىن باعالاۋ ءۇشىن دە بولۋعا ءتيىس ەكەنىن اتاپ كورسەتتى. ماسكەۋدە بولعان كەزىندە نۇرسۇلتان نازارباەۆ نوۆو-وگارەۆو رەزيدەنتسياسىندا رەسەي پرەمەرى ۆلاديمير پۋتينمەن دە كەزدەستى. تاراپتار مەملەكەتارالىق ەكونوميكالىق ىنتىماقتاستىقتى دامىتۋ, الەۋمەتتىك دامۋ جانە قازاقستاننىڭ, رەسەي مەن بەلارۋستىڭ كەدەن وداعى قىزمەتىنىڭ ماسەلەلەرىن تالقىلادى. – ءبىز بۇگىن ۆيكتور فەدوروۆيچ يانۋكوۆيچتى پرەزيدەنتتىك سايلاۋداعى جەڭىسىمەن قۇتتىقتاۋىمىزعا بولادى دەپ ويلايمىن. مۇنى بۇگىن وسك رەسمي تۇردە جاريالاپتى. كەلىڭىز, تەلەفون سوعىپ, ونى قۇتتىقتايىق, – دەدى ۆلاديمير پۋتين. مەملەكەتىمىزدىڭ باسشىسى ۆيكتور يانۋكوۆيچپەن تەلەفون ارقىلى سويلەسكەندە ءبىزدىڭ ەلدەرىمىزدىڭ اراسىنداعى ءداستۇرلى دوستىق قارىم-قاتىناس پەن جەمىستى ىنتىماقتاستىق الداعى كەزدە دە قازاقستان مەن ۋكراينا حالىقتارىنىڭ يگىلىگى ءۇشىن بەلسەندى دامي بەرەتىنىنە سەنىم ءبىلدىردى. رەسەي ۇكىمەتىنىڭ توراعاسى قازاقستان باسشىسىمەن اڭگىمە بارىسىندا پوستكەڭەستىك كەڭىستىكتە ۋكراينانىڭ قاتىسۋىمەن ينتەگراتسيا ۇدەرىسىنىڭ جەدەلدەيتىنىنە ءۇمىت ارتاتىنىن اتاپ ءوتتى. ءوز كەزەگىندە نۇرسۇلتان نازارباەۆ ءبىرتۇتاس ەكونوميكالىق كەڭىستىك قۇرۋ يدەياسىنىڭ ءاۋ باستا ناق وسى نوۆو-وگارەۆودا 2004 جىلى رەسەي, قازاقستان, بەلارۋس جانە ۋكراينا كوشباسشىلارىنىڭ قاتىسۋىمەن تالقىلانعانىن ەسكە سالدى. سول كەزدە ءتىپتى ءتيىستى مەموراندۋمعا قول قويىلعان بولاتىن. مەملەكەتىمىزدىڭ باسشىسى پوستكەڭەستىك كەڭىستىكتەگى ينتەگراتسيا باستامالارىنا بارىنشا قولداۋ بىلدىرەتىنىن اتاپ كورسەتتى. قازاقستاننىڭ ەقىۇ-عا توراعالىعى ماسەلەلەرىن ءسوز ەتكەن ۆلاديمير پۋتين ۇيىم بيىلعى جىلى ەۋروپالىق قاۋىپسىزدىك ماسەلەلەرىن شەشۋدىڭ امبەباپ الاڭىنا اينالاتىنىنا سەنىم ارتاتىنىن اتاپ كورسەتتى. – بىز قازاقستان توراعالىعىمەن ەقىۇ شىن مانىندە ءوزىنىڭ امبەباپ سيپاتىنا يە بولىپ, ول قۇرىلعان كەزدە ماقسات ەتكەن ماسەلەلەرمەن اينالىسادى دەگەن سەنىمدەمىز. بۇل قاۋىپسىزدىك ماسەلەلەرىن تالقىلاۋ جانە, البەتتە, پوستكەڭەستىك كەڭىستىكتە عانا ەمەس, سونىمەن بىرگە بۇكىل كونتينەنتتە دەموكراتيانى نىعايتۋ جونىندەگى جاقسى الاڭ بولادى, – دەپ قورىتتى ويىن رەسەي پرەمەرى. سۋرەتتەر رەسەي فەدەراتسياسى پرەزيدەنتىنىڭ ءباسپاسوز قىزمەتىنەن جانە رەسەي ۇكىمەتىنىڭ سايتىنان الىندى.
