دەپۋتات بۇۇ دامۋ باعدارلاماسىنىڭ بىرىڭعاي جوباسى شەڭبەرىندە ەۋروپالىق وداق قارجىلاندىراتىن اۋدانداعى «قىزىلوردا وبلىسىندا وازيستىك سۋارمالاۋدى كورسەتۋ» پيلوتتىق باستاماسى نەگىزىندە سالىنعان 9 وزىق جاسىل تەحنولوگيامەن تانىستى.
جاسىل ەكونوميكانى قولدانۋ شارۋا قوجالىق جۇمىسىن دامىتۋعا قاجەتتى تازا سۋمەن جانە ەلەكتر ەنەرگياسىمەن قامتاماسىز ەتىپ وتىر. جوبانىڭ جالپى قۇنى 800 مىڭ ەۋرونى قۇرايدى. ءتيىستى قاراجاتقا كۇن ساۋلەلىك جانە جەل ەلەكترستانتسياسىنان تۇراتىن, سونداي-اق كۇن ساۋلەسىن جانە جەل ماسسالارىنىڭ قوزعالىسىن ەلەكتر ەنەرگياسىنا تۇرلەندىرەتىن گيبريتتى ورناتىلىم قۇرىلعان. مۇنان الىنعان ەنەرگيا تۇرمىستىق تۇتىنۋمەن قاتار فەرمەرلىك قاجەتتىلىكتەردى دە قامتاماسىز ەتەدى. ال, ارنايى سورعىش شارۋا قوجالىق اۋماعىندا ورنالاسقان ۇڭعىمادان سۋدى كەڭ كولەمدى ىدىس پەن تاۋلىكتىك باسسەيىنگە تارتادى. وسموتيكالىق قۇرىلعىمەن قايتا تازارتۋدان وتەتىن سۋ تازا اۋىز سۋمەن قامتاماسىز ەتۋگە, مال سۋارۋ جانە پلانتاتسيالارعا سۋ جىبەرۋگە پايدالانىلادى.
حالىق قالاۋلىسى جاسىل ەكونوميكا يگىلىگىن شارۋاشىلىققا پايدالانىپ جاتقان سەرىكتەستىككە تابىس تىلەدى.
باقتيار تايجان,
«ەگەمەن قازاقستان».
