جاستار سپاسسكدىگە وقىتۋ ورتالىعىندا بىرنەشە كۇن كۇش-قابىلەتتەرىنە ساي اسكەري دايىندىقتارىن كورسەتتى. اسكەري-دالالىق تاكتيكالىق ويىن جالپى ەسەبى بويىنشا پاۆلودارلىق «قايسار» اسكەري-پاتريوتتىق كلۋبى باس جۇلدە يەلەندى. جەڭىسپەن ورالعان كوماندانى وبلىس اكىمى بولات باقاۋوۆ قۇتتىقتادى.
وبلىستاعى «العاشقى اسكەري دايىندىق جانە دەنە تاربيەسى وقۋ-تاجىريبەلىك ورتالىعى» باسشىسىنىڭ ورىنباسارى تەمىربولات الەنوۆتىڭ ايتۋىنشا, بۇرىن «ايبىن» جاستار اراسىنداعى رەسپۋبليكالىق اسكەري-پاتريوتتىق وقۋ-جاتتىعۋ جيىنىنان 4,5 ورىندار الىپ جۇرگەن. بيىل جاڭا جاقسى, جەتىستىككە جەتتىك,-دەيدى.
بايقاۋعا 10 ۇل بالا, 5 قىزدان تۇراتىن كلۋبتىق كوماندامىز, ياعني, اسكەري مەكتەپ-ينتەرنات وقۋشىلارى جانە اسكەري-پاتريوتتىق كلۋبتار اراسىنداعى «قايسار» كلۋبىنىڭ وقۋشىلارى قاتىستى. جيىندا «ايبىن دارىنى» ينتەللەكتۋالدىق ويىنى, روبوتوتەحنيكا بويىنشا «مەنىڭ روبوتىم» كونكۋرسى, «ايبىن داۋىسى» مەگا-ارت فەستيۆالى, سونداي-اق مادەني-دەمالىس تاقىرىپتىق كەشتەر, كەزدەسۋلەر, ۆيكتورينالار سياقتى ءىس-شارالارى وتكىزىلگەن.
-ەكى اي بويى دايىندالدىق. اك-74 اۆتوماتىن شاشۋ مەن جيناۋعا قاتىستىم,-دەيدى «قايسارلىق» كلۋب مۇشەسى, كەنجەكول ورتا مەكتەبىنىڭ 11-سىنىپ وقۋشىسى فارحاد يسكاكوۆ.
فاريدا بىقاي
«ەگەمەن قازاقستان»
پاۆلودار
