«رۋحاني جاڭعىرۋ» باعدارلاماسىنا سايكەس قازاقستان مۇسىلماندارى ءدىني باسقارماسى جاريالاعان «يسلام جانە وتباسى» جىلىنىڭ اياسىندا قمدب وسكەمەن ايماعىنىڭ وكىلدىگى «دالا سەمينارى» اتتى پيلوتتىق جوبانى جۇزەگە اسىردى.
ۇلان اۋدانىنداعى «بەسكول» دەمالىس ورنى اۋماعىنا وكىلدىكتەن بىرنەشە كيىز ءۇي تىگىلىپ, جايلاۋداعى وتباسىلىق ۇلگىدە وتكەن دالالىق سەمينارعا جاماعاتتار جانە دەمالۋشىلار قاتىستى.
شىعىس قازاقستان وبلىستىق «حاليفا التاي» مەشىتىنىڭ ءباسپاسوز قىزمەتىنىڭ حابارلاۋىنشا, كول جاعاسىنداعى تاماشا تابيعات اياسىنداعى شاراعا كەلگەن 50-دەن استام دەمالۋشىلار كيىز ۇيلەرگە ورنالاستىرىلىپ, ازىق-ت ۇلىكپەن, جاتىن ورىنمەن قامتاماسىز ەتىلىپتى. دالالىق سەمينار كەلۋشىلەردىڭ ەشقايسىسىنان اقى سۇراماي بارلىعىن تەگىن قابىلداپ, قىزمەت كورسەتىپتى. ەڭ ماڭىزدىسى, وكىلدىكتىڭ يمامدارىنىڭ ۇيىمداستىرۋىمەن ۇستازدار مەن ماماندار قاتىسۋشىلارعا ءدارىس وقىپتى. ۋاعىز-ناسيحاتپەن قاتار سپورتتىق سايىستار دا ۇيىمداستىرىلىپ, سالت-داستۇردەن كورىنىستەر قويىلىپ, تاعىلىمدى اڭگىمەلەر ايتىلىپتى. ء«دىني باسقارما جاريالانعان 2018-«يسلام جانە وتباسى» جىلىنىڭ اياسىندا وسى شارانى قولعا الۋدى ءجون كوردىك. بۇل جوبا الداعى ۋاقىتتا دا جالعاسىن تابادى. يگى باستاماعا حالىقتىڭ قىزىعۋشىلىعى ەرەكشە بولعانىن اڭعاردىق. جەرگىلىكتى اكىمدىكتەر دە قولداۋ كورسەتتى. بۇل ءىس اسىرەسە كەرى اعىمدارعا قارسى كۇرەستە وتە تىڭ ءتاسىل دەپ باعالانىپ وتىر. شارا بارىسىندا ۇلتتىق قۇندىلىقتاردى ناسيحاتتاۋعا دا ەرەكشە نازار اۋدارىلدى», - دەيدى قمدب وسكەمەن ايماعىنىڭ وكىل يمامى ەرمەك تاسبولات ۇلى.
ازامات قاسىم,
«ەگەمەن قازاقستان»
وسكەمەن
