ورىنبور وبلىسى پەرۆوماي اۋدانىنىڭ ۋدارنوە اۋىلىندا دۇنيەگە كەلگەن دامير يسماعۇلوۆ كوپتەن بەرى مىقتى جەكپە-جەكتەرىمەن كوزگە ءتۇسىپ ءجۇر. وسى سپورت تۇرىنە كەشەۋىلدەپ, ياعني 22 جاسىندا كەلگەنىنە قاراماستان ءوزىنىڭ ەڭبەكقورلىعى مەن تاباندىلىعى, جانكەشتىلىگى مەن قايسارلىعىنىڭ ارقاسىندا ءبىراز بەلەستەردى باعىندىردى. باس-اياعى ءتورت جىل ۋاقىت ارالىعىندا دامير 18 جەكپە-جەك وتكىزىپ, 16 رەت جەڭىسكە جەتتى. بىلتىرعى جىلدىڭ مامىر ايىندا ورىنبوردا وتكەن جارىستا سانكت-پەتەربۋرگتەن كەلگەن ماكسيم ءديۆنيچتى بەسىنشى راۋندتا تەحنيكالىق نوكاۋتپەن ۇتىپ, 70 كيلو سالماق دارەجەسى بويىنشا «م-1» ۇيىمىنىڭ چەمپيوندىق بەلبەۋىن يەلەندى. سودان بەرگى ۋاقىتتا قانداسىمىز تاعى ءۇش جەكپە-جەك وتكىزىپ ۇلگەردى. سول باسەكەلەردە برازيليالىق روجەريو كاررانكا, گرۋزيالىق راۋل تاتاراۋلي جانە بەلارۋسسيالىق ارتەم دامكوۆسكيدەن باسىم ءتۇسىپ, وزىنە ءتيىسىلى الەم چەمپيونى اتاعىن ساقتاپ قالدى.
ەگەر جوعارىداعى جوسپار جۇزەگە اسىرىلىپ, دامير يسماعۇلوۆ اقش-قا اتتاناتىن بولسا, وندا ول UFC-مەن كەلىسىمشارتقا وتىرعان ەكىنشى قازاق سپورتشىسى رەتىندە تاريحتا قالادى. ەستەرىڭىزدە بولار, 2014 جىلى الەمدەگى ەڭ بەدەلدى ۇيىمدا قىتايدا تۋىپ-وسكەن قانداسىمىز جۇمابەك تۇرسىن ونەر كورسەتكەن بولاتىن. وكىنشىكە قاراي, مۇحيتتىڭ ارعى بەتىندە جۇمابەكتىڭ جولى بولمادى. ەندىگى ءۇمىت – داميردا. ورىنبوردا تۋىپ-وسكەن قازاقتىڭ 27 جاستاعى قايسار ۇلى UFC-دە ءوزىنىڭ مىقتىلىعىن مويىنداتادى دەگەن ۇمىتتەمىز.
عالىم سۇلەيمەن,
«ەگەمەن قازاقستان»
