جوبالاردىڭ اراسىندا ءبىرىنشى كەزەكتە اقسۋداعى «ەۋروازياتتىق ەنەرگەتيكالىق كورپوراتسياسى» اق-نىڭ تسيكلدى-اعىمدى كەن ارشۋ كەشەنى, ەكىباستۇزداعى «پرومماشكومپلەكت» جشس-ءنىڭ تەمىرجولعا ارنالعان دوڭگەلەكتەر ءوندىرىسى, اقسۋ فەرروقورىتپا زاۋىتىندا قۇنى 64 ملرد تەڭگەنى قۇرايتىن №6 بالقىتۋ تسەحىنىڭ جاڭعىرتۋ جوباسى جۇزەگە اسىرىلادى. № 64 پەشتى جوندەۋگە 21 ملرد تەڭگە جۇمسالعان.
قىركۇيەك ايىندا «ەۋروازياتتىق ەنەرگەتيكالىق كورپوراتسياسى» اق قۇنى 55,2 ملرد تۇراتىن № 5 ەنەرگوبلوكتى قايتا قۇرۋدى اياقتايدى. ال ەكىنشى كەزەكتە «پاۆلودار» ارنايى ەكونوميكالىق اۋماعىندا قوسپالى اليۋميني وندىرەتىن «Giessenhaus» جشس مەن اۆتوكولىك ءوندىرىسى ءۇشىن اليۋميني ديسكىلەرىن شىعاراتىن «كيك پاۆلودار» جشس اليۋميني كلاستەرىن دامىتۋعا نەگىز بولۋدا. قازىر ايماقتا جۇزەگە اسىرىلىپ جاتقان 10 جوبا بار.
كاسىپكەرلەرگە جەڭىلدىكتەر ۇسىنىلعان. وندىرىستىك ايماقتى ءتيىمدى پايدالانۋ ماقساتىندا باسىمدىق العان جوبالاردىڭ اياسىن كەڭەيتۋ جۇمىستارى جۇرگىزىلۋدە. ينفراقۇرىلىمدى جاساۋ جاساۋعا مۇمكىندىك تۋادى. بيىلعى جىلدىڭ بەس ايى ىشىندە وڭىردەگى قايتا وڭدەۋ ونەركاسىبىنىڭ نەگىزگى كاپيتالىنا قۇيىلعان ينۆەستيتسيا 19,2 ملرد تەڭگەنى قۇراعان.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
