ينۆەستورلار قۋاتى 2,5 كۆت قۇرايتىن 17 جەل گەنەراتورلارىن ورناتىپ, قۇرىلىس كەزەڭىندە 70 ادام جۇمىسپەن قامتىلاتىنىن ايتتى. ينۆەستيتسيا كولەمى 60 ملن. دوللاردى قۇرايدى.
«جەل قوندىرعىسىنىڭ قۇرىلىسى «جاسىل ەكونوميكاعا» كوشۋ, قورشاعان ورتاعا زيان كەلتىرەتىن يننوۆاتسيالىق تەحنولوگيالاردى جۇزەگە اسىرۋ بولىپ تابىلادى جانە بۇل جوبا ەلەكتر ەنەرگياسىنىڭ قاجەتتىلىكتەرىن قاناعاتتاندىرۋعا كومەكتەسەدى. تۇپقاراعان اۋدانىندا 375 گەكتار جەردەگى 42 مۆت جەل قوندىرعىسىنىڭ قۇرىلىسى باستالادى. اتالمىش جوبا بويىنشا اعىمداعى جىلدىڭ تامىز ايىندا قۇرىلىس جۇمىستارى باستالادى», دەدى وبلىس اكىمى ەرالى توعجانوۆ.
بۇگىنگى كۇنى جەر تەلىمىن راسىمدەۋ بويىنشا شارالار قابىلدانىپ, زاڭناما ازىرلەنىپ, كەلىسىلگەن قۇجاتتامالار وڭ قورىتىندىسىن الدى.
سونداي-اق, جوباعا جاڭارتىلاتىن ەنەرگيا كوزدەرىن پايدالانۋ وبەكتىلەرىنىڭ ورنالاسۋى بويىنشا جوسپار ەنگىزىلدى, ەسەپ ايىرىسۋ جانە قارجى ورتالىعىمەن ساتىپ الۋ تۋرالى كەلىسىمگە قول قويىلىپ «ماڭعىستاۋ ەلەكتر جەلىلەرىن ءبولۋ كومپانياسى» اق-مەن جەلىلەرىنە قوسىلۋ تۋرالى كەلىسىم جاسالدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
