كەزدەسۋ بارىسىندا قازاقستانداعى ءدىني احۋالدىڭ دامۋى جونىندە جان-جاقتى پىكىر الماسۋ ءوتتى. نيۋ-يوركتە د.كالەتاەۆ بۇۇ جانىنداعى ءدىني ۇكىمەتتىك ەمەس ۇيىمدار كوميتەتىنىڭ توراعاسى س.پارامەشاناندامەن جانە «دىندەر بەيبىتشىلىك ءۇشىن» الەمدىك كونفەرەنتسياسىنىڭ باس حاتشىسى ۋ.ۆەندليمەن ەكىجاقتى كەزدەسۋلەر وتكىزدى. بۇۇ وكىلدەرى د.كالەتاەۆتىڭ الەمدىك جانە ءداستۇرلى دىندەر سەزىنىڭ كەزەكتى وتىرىسىنا قاتىسۋ جونىندەگى شاقىرۋدى قىزىعۋشىلىقپەن قابىلدادى.
استانا دىنارالىق سۇحباتىنىڭ ءوسىپ كەلە جاتقان بەدەلىن مويىنداي وتىرىپ, ولار سەزدىڭ جەكەلەگەن سەكتسيالارىنا مودەراتور رەتىندە قاتىسۋعا دايىن ەكەنىندىكتەرىن ءبىلدىردى.
ايتا كەتەيىك, الەمدىك جانە ءداستۇرلى ءدىن ليدەرلەرىنىڭ كەزەكتى سەزى اعىمداعى جىلى قازان ايىندا استانادا وتەدى.
