اگروبيرجا جوبالىق باسقارۋ شەڭبەرىندە ىسكە قوسىلدى. اۋىل شارۋاشىلىعى ۆيتسە-ءمينيسترى گۇلميرا يساەۆانىڭ ايتۋىنشا, قىزىلوردا وبلىسىندا اگروبيرجا قۇرۋ تاجىريبەسى بارلىق وڭىرلەرگە ۇسىنىلادى.
قىزىلوردا وبلىسىنىڭ اۋىل شارۋاشىلىعى باسقارماسىنىڭ باستىعى باقىت جاحانوۆتىڭ ايتۋىنشا, كوبىنەسە تاۋار وندىرۋشىلەر نارىققا تىكەلەي قول جەتكىزە المايدى. وندىرىلگەن تاۋارلاردى قايدا, كىمگە جانە قاي باعادا ساتىلاتىندىعىنىڭ بەلگىسىزدىگى تەك ايماقتا عانا ەمەس, رەسپۋبليكادا دا شەشىلمەگەن پروبلەمالاردىڭ ءبىرى بولىپ تابىلادى.
«ازىق-ت ۇلىك تاۋارلارى باعاسىنىڭ وسۋىنە ىقپال ەتەتىن فاكتورلاردىڭ ءبىرى – دەلدالداردىڭ كوپتىگى ەكەنى ەشكىمگە جاسىرىن ەمەس, ساراپشىلاردىڭ پىكىرىنشە ولار 65-85% قۇرايدى. بۇل بۇرمالانعان باعا مەن باعانى نەگىزسىز كوتەرۋگە الىپ كەلەدى, ال تاۋار وندىرۋشىلەردىڭ ءوزى از پايداعا قاناعات ەتەدى. وسى ماقساتتا ءبىز «اگروبيرجا» اۋىلشارۋاشىلىق ونىمدەرىنىڭ ساۋداسىنا ارنالعان ەلەكتروندى پلاتفورما قۇردىق. ول ساتىلىم نارىعىن كەڭەيتۋگە, ساتىپ الۋشى مەن ساتۋشى اراسىنداعى تىكەلەي بايلانىستاردى ورناتۋعا, ەكسپورتتىق وپەراتسيالاردى ارتتىرۋعا مۇمكىندىك بەرەدى», - دەيدى باحىت جاحانوۆ.
ەستەرىڭىزگە سالايىق, www.agrosauda.kz ۆەب-سايتىنداعى اقپارات قازاق, ورىس, اعىلشىن جانە قىتاي تىلدەرىندە ۇسىنىلعان. بولاشاقتا وعان پارسى ءتىلىن دە قوسۋ جوسپارلانۋدا. ايتا كەتەيىك, قىزىلوردالىق اگرارلار ءوز ونىمدەرىن ەكسپورتتايتىن ەلدەردىڭ ءبىرى - يران.
قازىرگى ۋاقىتتا ينتەرنەت-رەسۋرستارىن جەتىلدىرۋ جۇمىستارى جالعاسۋدا, جاقىن ارادا «اگروبيرجا» ءموبيلدى قوسىمشاسى ىسكە قوسىلاتىن بولادى.
