سالتاناتتى راسىمگە «نۇر وتان» ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى ن.لازار ۇلى, اقتاۋ قالالىق فيليالدىڭ توراعا ورىنباسارى ق.اياش ۇلى, ماڭعىستاۋ وبلىستىق ءبىلىم باسقارماسىنىڭ باسشىسىنىڭ مىندەتىن اتقارۋشى ن.كوبەيسىن ۇلى جانە اقتاۋ قالالىق «نۇر وتان» پارتياسى فيليالىنىڭ جانىنان قۇرىلعان ارداگەرلەر كەڭەسىنىڭ جەتەكشىسى ە.جاڭبىروۆ,اقتاۋ قالالىق ماسليحاتىنداعى «نۇر وتان» پارتياسىنىڭ دەپۋتاتتىق فراكتسيا مۇشەسى ى.كوشەرباي قاتىسىپ, ءىت سىنىپتىڭ تۇساۋىن كەستى.
وقۋشى ورتالىعىندا بوتانيكالىق باق, ۇشاق جاساۋ ۇيىرمەسى, سۋرەت سالۋ, ءان, مۋزىكالىق اسپاپتار ۇيىرمەسى, سپورت الاڭى مەن بالەت ۇيىرمەلەرى بار.
ءىت سىنىبىندا ازىرشە Scratch باعدارلاماسى ۇيرەتىلۋدە. سونداي-اق بالالار 3 D قالامدارىمەن ءتۇرلى قالىپتاعى پىشىمدەر جاساپ تا ۇيرەنگەن.
- «نۇر وتان» پارتياسىنىڭ باستاماسىمەن, ءبىلىم باسقارماسىنىڭ قولداۋىمەن اشىلىپ جاتقان ءىت سىنىپتىڭ بالالارعا بەرەرى مول دەپ ەسەپتەيمىن. ولاردىڭ جاز مەزگىلىندەگى ۋاقىتىن ءتيىمدى وتكىزۋدە بۇل سىنىپتىڭ الار ورنى ەرەكشە. ساباق اپتاسىنا 2 رەت ءبىر جارىم ساعاتتان وتەدى. بالالاردىڭ قىزىعۋشىلىقتارى مەن تەز ارادا ۇعىپ الۋى ءبىزدىڭ جۇمىسىمىزدى جانداندىرا تۇسەدى, - دەيدى ينفورماتيكا ءپانى مۇعالىمى دينارا قىدىرقىزى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
