ايماقتار • 12 شىلدە، 2018

شالقار اۋدانىنىڭ كۇندەرىندە يننوۆاتسيالىق ۇلگىدەگى كيىز ءۇي تىگىلدى

302 رەتكورسەتىلدى

شىلىڭگىر شىلدەدە وبلىس ورتالىعىندا شالقار اۋدانىنىڭ كۇندەرى وتكىزىلدى. وسى ءبىر شىرايلى شارالار كەزىندە قر تۇڭعىش پرەزيدەنتى اتىنداعى ورتالىق دەمالىس ساياباعىندا جاڭاشا ۇلگىدە تىگىلگەن كيىز ۇيگە نازارىمىز اۋا بەردى.

شالقار اۋداندىق ءبىلىم ءبولىمىنىڭ باس مامانى ديدارا اقمالايدىڭ ايتۋىنشا بۇل ادەتتەگى اعاش ۇيلەردىڭ ءبىرى ەمەس، «جاسىل ەكونوميكا» مەن «جاسىل الەم» ستاندارتتارىنا سايكەس قۇراستىرىلعان يننوۆاتسيالىق كيىز ءۇي بولىپ شىقتى. ونىڭ بۇعان دەيىنگى كوز ۇيرەنگەن كيىز ۇيلەردەن ارتىقشىلىعى مەن وزگەشىلىگى قانداي؟

- زاماناۋي ۇلگىدە جابدىقتالعان ءارى ءتۇرلى تۇستەرمەن كومكەرىلگەن ءىت اعاش ءۇيدىڭ ىشىنە فيزيكا ءپانى مۇعالىمدەرى مەن وقۋشىلاردىڭ بىرلەسەپ جاساعان تۋىندىلارى قويىلدى. مۇنداعى جەرگىلىكتى جاڭاشىلداردىڭ قولىنان شىققان كۇن مەن جەلدىڭ قۋاتىن پايدالانۋ ارقىلى جۇمىس ىستەيتىن قوندىرعىلار مەن اسپاپتار ەشكىمدى ەنجار قالدىرا المايدى. سونىمەن بىرگە اششى سۋدى تۇششىتۋ قۇرالدارى دا كوپشىلىكتىڭ قىزىعۋشىلىعىن تۋعىزىپ وتىر، - دەيدى شالقار قالاسىنداعى №7 ورتا مەكتەپتىڭ ديرەكتورى گۇلسايران ىبىراەۆا.

راسىندا دا قارا ءدۇرسىن ەمەس، ءتيىستى عىلىمي زەرتتەۋلەر مەن جۇمىستاردىڭ ناتيجەسىندە تۋىنداعان ومىرشەڭ تەحنيكالىق قۇرالداردى سەريالىق وندىرىسكە قويسا ءوزىن-ءوزى تولىعىمەن اقتار ەدى-اۋ دەگەن وي كولدەنەڭدەي بەرەدى. ءدال وسى تۇستا ءوزىمىز تىكەلەي كۋا بولعان جاڭاشىلدىقتىڭ ءبىر كورىنىسى تۋرالى ايتا كەتسەك، ۆەلوسيپەد تەبۋ ارقىلى ۇيالى تەلەفوننىڭ قۋاتىن تولتىرۋعا بولادى ەكەن. مۇنداي مىسالدار جەتكىلىكتى. وسىندايدا ەرىكسىز جارايسىڭ شالقارلىق جاس ورەندەر دەگىم كەلەدى.

تەمىر قۇسايىن،

«ەگەمەن قازاقستان»

اقتوبە وبلىسى

شالقار اۋدانى

سۋرەتتە ۇىە كيىز ءۇيدىڭ كورىنىسى

سۋرەتتى تۇسىرگەن: قىدىرالى ءالين

ءتىلشى تۇسىنىكتەمەسى: سۋرەت وبلىستىڭ شالقار اۋداندىق گازەتىنەن جىبەرىلدى

سوڭعى جاڭالىقتار

ۇيدەن شىقپاي قازاقشا ۇيرەن

قوعام • بۇگىن، 13:08

«...تاۋىڭدا قىران قالدى ما؟»

ايماقتار • بۇگىن، 12:52

ءداستۇردى بۇلداۋ ما بۇل؟!

قوعام • بۇگىن، 12:23

كوروناۆيرۋس شاش ارقىلى جۇعادى

كوروناۆيرۋس • بۇگىن، 12:19

«التىن وردا» كۇيىن شىعاردى

رۋحانيات • بۇگىن، 11:21

كارانتيننەن كەلەتىن زارداپ مول

كوروناۆيرۋس • بۇگىن، 11:09

تاعى ءبىر ناۋقاس قايتىس بولدى

كوروناۆيرۋس • بۇگىن، 08:07

كونكۋرس جاريالانادى

قوعام • بۇگىن، 07:57

ۇقساس جاڭالىقتار