بىلتىر استانادا بولاشاق ەنەرگياسى تاقىرىبىنداعى ەكسپو-2017 حالىقارالىق مامانداندىرىلعان كورمەسى تابىستى ءوتتى. قازاقستان اقش-تىڭ ەنەرگەتيكا سالاسىنداعى ماڭىزدى ەكونوميكالىق سەرىكتەسى. سونداي-اق پاريج كەلىسىمىنە قوسىلۋ, تازا ەنەرگيا جانە كليماتتىق وزگەرىستىڭ الدىن الۋعا ارنالعان باسقا دا حالىقارالىق كۇشتەرگە قولداۋ بىلدىرەدى.
20 جىلدىق تاريحى بار استانا ورتالىق ازياداعى زاماناۋي قالالاردىڭ بىرىنە اينالدى. شاھار – شىعىس پەن باتىستىڭ اراسىنداعى بايلانىستىرۋشى كوپىر.
ۆاشينگتون مەن استانا اراسىنداعى ۇزاقمەرزىمدى سەرىكتەستىكتى دامىتۋدى قالايمىن. اتالعان سەرىكتەستىك ەكونوميكا جانە قاۋىپسىزدىك سالالارىنداعى ناتيجەلى ىنتىماقتاستىقتى, سونداي-اق ەگەمەندى, تۇراقتى جانە ساياسي ەركىن قازاقستاننىڭ دامۋىن نىعايتۋ جولىنداعى ءىس-ارەكەتتەردى قامتيدى. اتالعان جەتىستىكتەردى ەسكەرسەك, استانا ورتاق ماقساتتارعا قول جەتكىزۋدە باسقا ەلدەر مەن سەرىكتەستەر ءۇشىن ۇلگى بولادى.
ەليوت ەنگەل,
نيۋ-يورك شتاتىنداعى اقش-تىڭ وكىلدەر پالاتاسىنىڭ مۇشەسى
