وعان 6 مەملەكەتتەن 60-قا جۋىق وقۋشى قاتىستى. وليمپيادانىڭ اشىلۋ راسىمىندە قازىلار القاسىنىڭ توراعاسى, حالىقارالىق «قازاق ءتىلى» قوعامىنىڭ پرەزيدەنتى, اكادەميك ومىرزاق ايتباي ۇلى «مەملەكەتتىك ءتىلدىڭ ەندىگى تاعدىرى ساعان بايلانىستى, جاس ۇرپاق!» دەپ جاستارعا سالماق سالا ءتىل قاتىپ ءۇمىتىن ۇكىلەپ كەلگەن شەتەلدىك باۋىرلاردىڭ ۇل-قىزىنا ءسوز ارناپ, «ەلىم, جەرىم, اتاجۇرتىم, ءتىلىم دەپ العا ۇمتىلعان سەندەردەي قۇلدىراڭداعان ق ۇلىندارىما, ءسۇي- كىمدى بوتالارىما ءدان ريزامىن» دەدى. ۇمىتكەرلەر ءبىرىنشى كەزەڭدە شىعارما جازىپ, ودان كەيىن اۋىزشا تەست تاپسىرىپ, ونەرلىلەرى تۋعان ەلگە دەگەن ساعىنىشىن ولەڭمەن, انمەن جەتكىزدى.
وقۋشىلار سىناقتان كەيىن ءوڭىردىڭ كيەلى جەرلەرىنە ساياحاتتادى. ناۋبەت جىلدارىنان مول دەرەك بەرەتىن كارلاگ مۇراجايىن ارالاپ كوردى. س.سەيفۋللين اتىنداعى قازاق دراما تەاترىندا ر.وتارباەۆتىڭ «مۇقاعالي-فاريزا» اتتى شىعارماسى بويىنشا قويىلعان قويىلىمدى تاماشالادى.
قورىتىندىسىندا, يران, وزبەكستان, قىرعىزستان, موڭعوليا, قىتاي جانە رەسەي فەدەراتسياسىنىڭ سامارا, ومبى, التاي ولكەسىنەن كەلگەن وقۋشىلار ءارتۇرلى اتالىمدار بويىنشا ماراپاتتالدى. سونداي-اق بەس وقۋشى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ, ءبىر تالاپكەر اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى تاعايىنداعان گرانتتارىن الدى. وليمپيادانىڭ جابىلۋ ساتىندە قاراعاندى وبلىستىق ءبىلىم باسقارماسىنىڭ باسشىسى ە.يمانعاليەۆ وبلىس اكىمى ەرلان قوشانوۆتىڭ شەتتەگى اعايىنداردىڭ بالالارى تەك قانا ادەبيەت پەن ءتىل مامانى بولىپ قويماي, تەحنيكالىق ماماندىقتى دا مەڭگەرۋ كەرەكتىگىن ەسكەرىپ, قاراعاندى تەحنيكالىق ۋنيۆەرسيتەتىنە ەكى گرانت بولەتىنىن, ن.نۇرماقوۆ اتىنداعى وبلىستىق مامانداندىرىلعان دارىندى بالالارعا ارنالعان مەكتەپ-ينتەرناتقا 9-10 سىنىپ وقۋشىلارىن كەلىسىمشارتپەن ءبىلىمىن جالعاستىرۋعا مۇمكىندىك تۋعىزاتىنىن جەتكىزدى. ون بەس جىل قاتارىنان ءوتىپ كەلە جاتقان وليمپياداعا مىڭنان اسا وقۋشى قاتىسقانىن, 130-ى جوعارى وقۋ ورىندارىن ءبىتىرىپ, ەلىنە قىزمەت ەتىپ ءجۇر. شەتەلدەن كەلگەن قانداستاردىڭ ءوتىنىشىن ايتا كەتەر بولساق, اسىرەسە كورشىلەس رەسەيدەگى وتانداستارىمىز وقۋلىق پەن مۇعالىمدەردىڭ جەتىسپەۋشىلىگى بارىن ايتىپ, قازاق ەلىنەن كەلگەن وقۋلىقتار تەك قازاق سىنىپتارىنا ارنالعانىن, بۇل كوپ جاعدايدا قيىندىق تۋعىزاتىنىن, سوندىقتان ورىس سىنىپتارىنا ارنالعان قازاق ءتىلى مەن ادەبيەتىنە قاتىستى قۇرالدار بولسا دەگەن تىلەكتەرىن اتاجۇرتتاعى ازاماتتار ەسكەرسە ەكەن دەيدى. ءبىر قۇپتارلىق يگى ءىس ومبى قالاسىنداعى №130 مەكتەپتە قازاق ءتىلى شەت ءتىلى رەتىندە وقىتىلا باستاپتى. ال يران ەلىنەن كەلگەن ايدا كورپە اتالعان ەلدە 5 مىڭنان اسا قازاقتىڭ ءومىر كەشىپ جاتقانىن ايتتى.
«وسىنداي بايتاق ەلگە اتا-انام بۇرىن نەگە اكەلمەگەن, ەندى قيماي اتتانايىن دەپ تۇرمىن» دەگەن ءسوزى جۇرەكتى شىمىرلاتتى. حالىقارالىق وليمپيادانى ۇيىمداستىرۋعا «سارىارقا – دارىن» وڭىرلىك عىلىمي-تاجىريبەلىك قوسىمشا ءبىلىم بەرۋ ورتالىعى, ن.نۇرماقوۆ اتىنداعى مەكتەپ-ينتەرناتتىڭ ۇجىمى ۇلكەن ۇلەس قوستى.
سۇلەيمەن مامەت,
«ەگەمەن قازاقستان»
