سۇحبات بارىسىندا ق.ءابدىراحمانوۆ قىتاي حالىق رەسپۋبليكاسىنىڭ اوسشك توراعاسى قىزمەتىندەگى (2014-2018 جىلدار) جۇمىسىن جوعارى باعالادى.
تاراپتار فورۋمداعى توراعالىقتى قحر-دان تاجىكستانعا بەرۋ, كەڭەستىڭ بەسىنشى ءسامميتىن وتكىزۋ ماسەلەلەرىن, سونداي-اق اوسشك ۇدەرىسىن ودان ءارى دامىتۋ كەلەشەگىن تالقىلادى.
سىرتقى ساياسات ۆەدومستۆوسىنىڭ باسشىسى كەڭەستەگى ىنتىمىقتاستىقتىڭ بارلىق بەس ولشەمى بويىنشا – اسكەري-ساياسي, ەكونوميكالىق, ادامي, ەكولوگيالىق ولشەمدەر جانە جاڭا سىن-تەگەۋرىندەر مەن قاتەرلەر سالاسىندا ءىس جۇزىندەگى ىقپالداستىقتى ۇدەتۋ ماڭىزدىلىعىن اتاپ ءوتتى.
«اوسشك 4-ءشى شانحاي سامميتىندە ايتىلعان قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ كەڭەس نەگىزىندە ازياداعى قاۋىپسىزدىك جانە دامۋ ۇيىمىن (اقدۇ) قۇرۋ باستاماسىن, سونىڭ ىشىندە «ەكىنشى ترەك» شەڭبەرىندە جۇمىس اتقارۋ ارقىلى, حالىقارالىق عىلىمي جانە اكادەميالىق توپتاردى تارتا وتىرىپ, ىسكە اسىرۋ وزەكتى بولىپ قالىپ وتىر», دەدى مينيستر.
تاراپتار اوسشك شەڭبەرىندەگى ءوزارا ىقپالداستىقتىڭ تيىمدىلىگى مەن ناتيجەلىلىگىن ارتتىرۋ, سونداي-اق فورۋم قۇرامىنىڭ گەوگرافياسىن كەڭەيتۋ بويىنشا جۇمىستاردى جالعاستىرۋ, سىرتقى بايلانىستاردى ۇلعايتۋ, وڭىرلىك جانە حالىقارالىق ىستەرگە كەڭىنەن قاتىسۋ قاجەتتىگى تۋرالى ءبىر پىكىرگە كەلىستى.
اوسشك شاقىرۋ تۋرالى تۇڭعىش باستاما قازاقستان پرەزيدەنتى ن.نازارباەۆ تاراپىنان 1992 جىلعى 5 قازاندا بۇۇ باس اسسامبلەياسىنىڭ 47-ءشى سەسسياسى بارىسىندا كوتەرىلگەن بولاتىن. بۇل باستامانىڭ نەگىزگى ماقساتى – ازياداعى بەيبىتشىلىك پەن قاۋىپسىزدىكتى قامتاماسىز ەتۋ ءۇشىن ءتيىمدى قۇرىلىم قۇرۋ نيەتى بولىپ تابىلادى.
بۇگىنگى تاڭدا كەڭەسكە 26 مەملەكەت مۇشە. ونىڭ جۇمىسىنا 9 مەملەكەت پەن 5 حالىقارالىق ۇيىم بايقاۋشى رەتىندە قاتىسادى. اوسشك حاتشىلىعى استانا قالاسىندا ورنالاسقان.
سول كۇنى ق.ءابدىراحمانوۆ اۋستريا ەلشىلىگى ساۋدا ءبولىمىنىڭ ەكونوميكا ماسەلەلەرى بويىنشا كەڭەسشىسى – «Advantage Austria» اۋستريا حالىقارالىق ساۋدا اگەنتتىگى قۇرعان العاشقى الماتىدا اشىلعان ءوفيستىڭ باسشىسى ميحاەل ميۋللەردى قابىلدادى. كەزدەسۋ بارىسىندا ساۋدا ءبولىمنىڭ قازاقستان-اۋستريا بايلانىستارىن تەرەڭدەتۋ ىسىنە قوسقان ۇلەسى اتاپ ءوتىلدى. ساۋدا ءبولىمىنىڭ قولداۋىمەن استانادا 27-28 ماۋسىمدا قازاقستان-اۋستريا ايماقتار فورۋمى ءوتتى.
جولدىباي بازار,
«ەگەمەن قازاقستان»
