قۇرمەتتى قوناقتار ىشىندە, قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى ورازالين وڭداسىن سەيىل ۇلى جانە قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسى شپەكباەۆ اليك جاتقامباي ۇلى بولدى. سونىمەن قاتار, سالتاناتتى كەشكە اۋعانستان ەلشىسى شاحيم كادام شاح, موڭعوليا ەلشىسى لۋاسان باتتۋلگا, بىرىككەن اراب امىرلىگىنىڭ ەلشىسى احماد سۋلتان ەسسا الدجابەر, ماكەدونيا رەسپۋبليكاسىنىڭ ءبىرىنشى حاتشىسى مۋارەم مەدجيتي, قىرعىز ەلشىلىگىنىڭ ەكىنشى حاتشىسى وكەەۆا اليما, بىرىككەن اراب امىرلىگى ەلشىلىگىنىڭ اتتاشەسى التاحەري حيند جانە ورتا ازياداعى حاننس زايدەل قورى جوباسىنىڭ باسشىسى مايەر ماكس گەورگ قاتىستى.
ماگيستراتۋرا بويىنشا وقىعان 105 مەملەكەتتىك قىزمەتكەرلەر ىشىندە قازاقستاننان باسقا, قىرعىزستان, موڭعوليا جانە اۋعانستان ازاماتتارى بولدى. ولار «مەملەكەتتىك مەنەدجمەنت», «مەملەكەتتىك ساياسات», «ايماقتىق دامۋ» جانە «حالىقارالىق قاتىناستار» ماماندىقتارى بويىنشا ماگيستر دارەجەسىنە يە بولدى. 11 مەملەكەتتىك قىزمەتكەرلەرگە PhD دوكتورى جانە ماماندىق بويىنشا دوكتور دارەجەلەرى بەرىلدى. «ۇزدىك مەملەكەتتىك قىزمەتكەر» رەسپۋبليكالىق كونكۋرسىنىڭ جەڭىمپازى يگەنباەۆ المات ەرداۋلەت ۇلى قۇتتىقتاۋ ءسوز سويلەپ, تۇلەكتەردى ەلگە ادال قىزمەت ەتۋگە شاقىردى. كەش سوڭىندا «حالىقارالىق قاتىناستار» ماماندىعىنىڭ ماگيسترى ءبىلىم الۋشىلار اتىنان انت قابىلداپ, مەملەكەتتىك قىزمەتكەر مارتەبەسىن بيىك ۇستاۋعا سەنىم ءبىلدىردى.
