جيىنعا تەحنيكالىق جانە كاسىپتىك ءبىلىم بەرەتىن وقۋ ورىندارىنىڭ ۇزدىك تۇلەكتەرى, وبلىستىق ءبىلىم بەرۋ باسقارماسى ۇجىمى, ارداگەر ۇستازدار مەن اتا-انالار قاتىستى. جيىندا ديپلومداردى تابىستاعان وبلىستىق ءبىلىم بەرۋ باسقارماسىنىڭ باسشىسى قايىرعالي كەنجەعاليەۆ جاس ماماندارعا ساتتىلىك تىلەدى.
-2017 جىلدان باستاپ رەسپۋبليكا بويىنشا تەگىن كاسىپتىك تەحنيكالىق ءبىلىم جۇيەسى ەنگىزىلدى. سوعان بايلانىستى رەسپۋبليكا بويىنشا 2600-گە جۋىق جاس تەگىن كاسىپتىك وقىتۋ بويىنشا وقىپ جاتىر. ءبىزدىڭ وڭىرىمىزدە دە مامان دايارلاۋ باعىتىندا وبلىستىق بيۋدجەتتەن قاراجات ءبولىنىپ, ماماندار ءبىلىم الۋدا. ەلباسىمىزدىڭ بيىلعى 5 الەۋمەتتىك باستاماسى بويىنشا ستۋدەنت جاستاردى جاتاقحانامەن قامتاماسىز ەتۋ جۇمىستارى دا جۇرگىزىلىپ كەلەدى. قابىلەتتى مامان دايىنداۋ جولىندا جۇمىستار الداعى ۋاقىتتا دا جالعاسادى, - دەيدى باسقارما باسشىسى.
شارانىڭ باستى ماقساتى – دارىندى جاستاردى قولداۋ, ۇزدىك ديپلوم يەگەرلەرىنىڭ جاڭا قادامدارىنا اق جول تىلەپ, ماماندىقتارىنىڭ بىلگىرى بولۋىنا سەپ بولۋ.
بيىلعى جىلى اتىراۋداعى 25 تەحنيكالىق جانە كاسىپتىك كوللەدج بىتىرۋشىلەرىنىڭ سانى – 5115, ونىڭ 388-ءى ۇزدىك ديپلوم يەگەرلەرى.
-بۇگىن مەن ءۇشىن ەرەكشە كۇن. بىزگە ءبىلىم بەرگەن ۇستازدارىمىزعا, اۋقىمدى شارا ۇيىمداستىرعان وبلىس اكىمدىگىنە العىسىمىزدى بىلدىرەمىز. الداعى ۋاقىتتا وسى مەڭگەرگەن ۇستازدىق ماماندىعىمدى جالعاستىرىپ, بەدەلدى, بىلىكتى مۇعالىم بولام دەگەن سەنىمدەمىن,- دەيدى قاتيرا دۇتباەۆا اتىراۋ گۋمانيتارلىق كوللەدجىنىڭ ستۋدەنتى التىناي اقىلبەك.
