بىردە زامانداستارى وعان 10 ادامدى كەزەك-كەزەگىمەن جىبەرىپ, بارىنە بىردەي: ء«بىلىم ارتىق پا, بايلىق ارتىق پا؟» دەگەن سۇراقتى قويدىرعان. سوندا حازىرەتى ءالي ءاربىر سۇراققا ءارتۇرلى دايەكتەمەلەرمەن بىلاي دەپ جاۋاپ بەرگەن:
1. ءبىلىم ارتىق, ويتكەنى ول – پايعامبارلاردان قالعان ميراس, بايلىق – باقىلداردان قالعان مۇرا.
2. ءبىلىم ارتىق, ءبىلىمدىنىڭ جانىندا ادال دوستار كوپ بولادى, ال باي ادامنىڭ قاسىندا امال دوستار كوپ بولادى.
3. ءبىلىم ارتىق, ول دوسىڭدى كوبەيتەدى, بايلىق دۇشپانىڭدى ارتتىرادى.
4. ءبىلىم ارتىق, ونى قانشا جۇمساعانمەن ازايمايدى. بايلىقتى جۇمساي بەرسەڭ, ءبىر كۇنى تۇگەسىلەدى.
5. ءبىلىم ارتىق, ونى ۇرى-قارىدان ساقتاۋدىڭ كەرەگى جوق, ال جيعان دۇنيەڭدى سىرت كوزدەردەن قورعاشتاۋمەن وتەسىڭ.
6. ءبىلىمىڭ كوپ بولسا ەل ساعان قىزىعادى, بايلىعىڭ كوپ بولسا قىزعانادى.
7. ءبىلىم ارتىق, ءبىلىمىڭ كوپ بولعانمەن ەسەپ-قيساپ جۇرگىزبەيسىڭ, بايلىعىڭا ۇدايى ەسەپ جۇرگىزىپ تۇرۋىڭ كەرەك.
8. ءبىلىم قانشا كوپ بولسا دا, ءىرىپ-ءشىرىپ كەتپەيدى, دۇنيە-مال بولسا ب ۇلىنەدى, سوندىقتان دا ءبىلىم ارتىق.
9. ءبىلىم ادامنىڭ كىشىلىگىن ارتتىرادى. بايلىق بولسا ساراڭدىق پەن قوماعايلىقتى ارتتىرادى.
10. شىنايى ءبىلىمدى ادام ورنىمەن سويلەيدى, ىزەتتىلىگى دە ارتادى. بايلىعى مول ادام وعان ماستانىپ ماقتانادى, استامشىلىق كورسەتەدى, سوندىقتان ءبىلىم ارتىق.
بەكەن قايرات ۇلى,
«ەگەمەن قازاقستان»
