«مەسسي قۇراماداعى جەتىنشى جاتتىقتىرۋشىنىڭ «تۇبىنە جەتتى». مەنىڭشە, ول ءسامپاوليدى شەتتەتۋ ءۇشىن ادەيى سۇرەڭسىز وينادى. مەسسيدى قۇرامادان شىعارىپ جىبەرۋ كەرەك. ول ءۇشىن قۇراما تاعدىرى بەس تيىن, تەك باس جاتتىقتىرۋشىمەن اراداعى تارتىستا جەڭىسكە جەتسە بولدى. ليونەل ءاردايىم ەڭ جاقسى ويىنىمەن ەمەس, وزىنە ۇنايتىن فۋتبولشىلارمەن ويناعاندى قالايدى», دەيدى لومباردي.
مالىمەت ءۇشىن ايتا كەتەيىك, مەسسي ارگەنتينا قۇراماسىنا كەلگەن 2005 جىلدان بەرى 7 باس جاتتىقتىرۋشى اۋىسقان.
دومراچەۆا سپورتپەن قوشتاستى
بياتلون بويىنشا ءتورت دۇركىن وليمپيادا چەمپيونى داريا دومراچەۆا كارەراسىن اياقتادى. بۇل تۋرالى سپورتشىنىڭ ءوزى ءباسپاسوز ءماسليحاتىندا مالىمدەدى.
دومراچەۆا بەلارۋس مەملەكەتى تاريحىندا وليمپيا ويىندارىندا ەڭ كوپ جۇلدە جەڭىپ العان سپورتشى سانالادى. ونىڭ وليمپيادادا العان ءتورت التىن, ءبىر كۇمىس جانە ءبىر قولا مەدالى بار. سونداي-اق الەم چەمپيوناتىندا ەكى التىن, ءتورت كۇمىس جانە ءبىر قولا جۇلدە يەلەنگەن.
2014 جىلى دومراچەۆا سوچي وليمپياداسىندا ءۇش التىن مەدال الىپ, ەل پرەزيدەنتى «بەلارۋس قاھارمانى» اتاعىمەن ماراپاتتالدى. 2018 جىلى پحەنچحاندا وتكەن وليمپيا ويىندارىندا ماسس-ستارتتا كۇمىس, ەستافەتا باسەكەسىندە التىن جۇلدە يەلەنگەن-ءدى.
ايتا كەتەيىك, ول 2016 جىلى نورۆەگيالىق اتاقتى بياتلونشى ۋلە-ەينار بەرندالەنمەن وتباسىن قۇرعان. وسى جىلدىڭ ءساۋىر ايىندا بەرندالەن كارەراسىن اياقتاعانىن مالىمدەسە, اراعا ەكى اي سالىپ دومراچەۆا دا ۇلكەن سپورتپەن قوش ايتىستى.
حەميلتون – گران-پري جەڭىمپازى
«فورمۋلا-1» اۆتوجارىسىنا قاتىسۋشى «مەرسەدەس» كلۋبىنىڭ پيلوتى ليۋيس حەميلتون فرانتسيانىڭ پول-ريكار قالاسىندا وتكەن كەزەكتى گران-پري كەزەڭىندە جەڭىمپاز اتاندى.
«فورمۋلا-1» اۆتوجارىسىنىڭ سەگىزىنشى كەزەڭىنەن كەيىن 145 ۇپاي جيناعان حەميلتون جالپى ەسەپتە كوش باستادى. ەكىنشى ورىندا «فەرراري» پيلوتى سەباستيان فەتتەل (131), ءۇشىنشى ساتىدا «رەد بۋلل» وكىلى دانيەل ريككاردو (96) كەلەدى. اۆتوجارىستىڭ كەلەسى كەزەڭى 1 شىلدە كۇنى اۋستريادا وتەدى.
ايتا كەتەيىك, بۇل ليۋيس حەميلتوننىڭ بيىلعى گران-پري جارىسىنداعى ءۇشىنشى جەڭىسى. ول بۇعان دەيىن قىتاي جانە يسپانيادا وتكەن كەزەڭدە توپ جارعان.
دايىنداعان ءالي بيتورە,
«ەگەمەن قازاقستان»
