ۇلت تۇتاستىعىنىڭ بەلگىسى – رۋح تۇتاستىعى. وسى ورايدا ەلىمىزدە جۇزەگە اسىرىلىپ جاتقان «رۋحاني جاڭعىرۋ» باعدارلاماسىنىڭ ماڭىزىن اشا تۇسكەن ءداستۇرلى مۋزىكا كەشى بايىرعى مۋزىكالىق مۇرانى بايىپتاۋ, سارالاۋ, كوپشىلىك قاۋىمعا كەڭىنەن تانىتۋ, ءداستۇرلى ونەر وكىلدەرىن ىنتالاندىرۋ, قۇرمەت كورسەتۋ اياسىندا كورەرمەندەردىڭ كوڭىل تورىنەن ورىن الدى. اسىرەسە, كۇمىس كومەي ءانشى ەركىن شۇكىمان ورىنداعان ءبىرجان سالدىڭ ءانى «ايتباي», حالىق ءانى «احاۋ-كەرىمدى» قۇيقىلجىتقان ايگۇل قوسان, جەزتاڭداي ءانشى تىلەۋلەس قۇرمانعاليەۆتىڭ سادىقوجانىڭ ءانى «سارى بيدايدى» ورىنداۋى كوپكە دەيىن ۇمىتىلمايتىن عاجاپ ءان الەمىنىڭ جاۋھارلارى دەۋگە بولادى.
ەلوردا كۇنى قارساڭىنداعى قازاقتىڭ قوڭىر اۋەنىن, اسقاق ءانى مەن تولعاۋلى كۇيىن تىڭداۋعا كەلگەن جۇرتشىلىق سونىمەن بىرگە رامازان ستامعازيەۆ, ساۋلە جانپەيىسوۆا, ۇلجان بايبوسىنوۆا, ارداق يساتاەۆا, نۇرجان جانپەيىسوۆ, ەربولات شالدىبەكوۆ, داۋرەنبەك اركەنوۆ, شولپان ءدارجانوۆا, نۇركەن ءاشىروۆ, وسپان قۇلسىماق, ساۋلەجان تاعزيا جانە باسقا دا بەلگىلى ءداستۇرلى ءان مەن كۇي شەبەرلەرىنىڭ ونەرىنە ءتانتى بولدى.
