زاڭ جوباسى مەملەكەت باسشىسىنىڭ 2014 جىلعى 17 قاڭتارداعى «قازاقستان جولى - 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن, «100 ناقتى قادام» ۇلت جوسپارىنىڭ 78-قادامىن ورىنداۋ, سونداي-اق مەملەكەت باسشىسىنىڭ بەس الەۋمەتتىك باستاماسىن ىسكە اسىرۋ ءۇشىن ازىرلەندى.
قۇجات جوعارى وقۋ ورىندارىنىڭ اكادەميالىق, باسقارۋ جانە قارجىلىق دەربەستىگىن كەڭەيتۋگە, نازارباەۆ ۋنيۆەرسيتەتىنىڭ تاجىريبەسىن ەسكەرە وتىرىپ, ولاردىڭ باسەكەگە قابىلەتتىگىن ارتتىرۋعا, سونداي-اق جوعارى ءبىلىم بەرۋدىڭ قولجەتىمدىلىگى مەن ساپاسىن ارتتىرۋعا جانە ستۋدەنت جاستاردىڭ كۇنەلتۋ جاعدايلارىن جاقسارتۋعا باعىتتالعان.
اكادەميالىق دەربەستىكتى كەڭەيتۋ ءۇشىن جوعارى وقۋ ورىندارىنا ءبىلىم بەرۋ باعدارلامالارىنىڭ مازمۇنى, ءبىلىم الۋشىلاردىڭ اۋىسۋى مەن قايتا قابىلدانۋى ماسەلەلەرىن, ءبىلىم بەرۋ قىزمەتتەرىن كورسەتۋ جانە كاسىپتىك پراكتيكانى وتكىزۋ شارتىنىڭ نىساندارىن ايقىنداۋ وكىلەتتىكتەرىن بەرۋ بويىنشا قۇزىرەتتەر كوزدەلگەن.
باسقارۋ جانە قارجىلىق دەربەستىك ماسەلەلەرى بويىنشا زاڭ جوباسىندا جۇمىسقا جالداۋ, جوعارى وقۋ ورنىنىڭ قۇرىلىمىن ايقىنداۋ, جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋدىڭ كوممەرتسيالىق ۇيىمدارىن كوممەرتسيالىق ەمەس ۇيىمدار ەتىپ قايتا قۇرۋ, جوعارى وقۋ ورىندارىنىڭ كوممەرتسيالىق قىزمەتتى جۇزەگە اسىرۋى, سونداي-اق جوعارى وقۋ ورىندارىنداعى ديرەكتورلار كەڭەسىنىڭ ايرىقشا قۇزىرەتى ماسەلەلەرىن رەتتەيتىن ەرەجەلەر كوزدەلىپ وتىر.
زاڭ جوباسىنىڭ نەگىزگى ەرەجەلەرىن ءتيىمدى ىسكە اسىرۋ ءۇشىن:
- كادرلاردى دايارلاۋ باعىتتارى بويىنشا جاڭا سىنىپتاۋىشقا سايكەس جوعارى وقۋ ورىندارىنىڭ ءبىلىم بەرۋ قىزمەتىن ليتسەنزيالاۋدىڭ جاڭا تۇرىنە كوشۋى;
- جوعارى جانە جوعارى وقۋ ورنىنان كەيىنگى ءبىلىم بەرۋدىڭ ءبىلىم باعدارلامالارى بويىنشا وقىتۋدى تەك قانا كۇندىزگى وقىتۋ نىساندارىندا جۇزەگە اسىرۋ;
- ءومىر بويى وقىتۋ قاعيداتىن ىسكە اسىرۋ ماقساتىندا فورمالدى جانە فورمالدى ەمەس ءبىلىم بەرۋ ارقىلى وقىتۋدىڭ ناتيجەلەرىن تانۋ;
- جوعارى وقۋ ورىندارىنىڭ تۇرلەرى – «اكادەميا», «ينستيتۋت», «ۋنيۆەرسيتەت» ۇعىمدارىن ناقتىلاۋ;
- جوعارى وقۋ ورىندارىنىڭ اككرەديتتەۋ ورگاندارى كورسەتەتىن قىزمەتتەردى ساتىپ الۋىن مەملەكەتتىك ساتىپ الۋدىڭ جالپى راسىمدەرىنەن شىعارۋ;
- زاڭ جوباسىنىڭ جەكەلەگەن نورمالارىن ناقتىلاۋ جانە مازمۇنىن جاقسارتۋ بولىگىندە بىرقاتار تۇزەتۋلەر كوزدەلەدى.
مەملەكەت باسشىسىنىڭ ءۇشىنشى الەۋمەتتىك باستاماسىن ىسكە اسىرۋ شەڭبەرىندە جاڭا ستۋدەنتتىك جاتاقحانالار سالۋعا قاتىستى:
- ستۋدەنت جاستاردىڭ كۇنەلتۋ جاعدايلارىن جاقسارتۋدى;
- ەكىنشى دەڭگەيدەگى بانكتەردىڭ مەملەكەتتىك-جەكەشەلىك ارىپتەستىك شارتتارىن سەنىمدى كەپىل رەتىندە تانۋىن;
- ينۆەستيتسيالىق شىعىندار وتەماقىسىن ەسەپكە جاتقىزۋعا ارنالعان شوتتاردىڭ ساقتالۋىن كوزدەيتىن تۇزەتۋلەر ەنگىزىلدى.
سەناتورلار سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا ءبىرىنشى وقىلىمدا قارادى.
بۇل زاڭ جوباسىندا كوزدەلگەن تۇزەتۋلەر ەڭبەك كودەكسىنە, ء«بىلىم تۋرالى» جانە «ەڭ تومەن الەۋمەتتىك ستاندارتتار جانە ولاردىڭ كەپىلدىكتەرى تۋرالى» زاڭدارعا ەنگىزىلەدى.
اتاپ ايتقاندا, ول ۇلتتىق جانە جالپى ادامزاتتىق قۇندىلىقتار نەگىزىندە قازاقستاندىق جاستاردىڭ دۇنيەتانىمىن قالىپتاستىرۋ جونىندەگى تاربيە جۇمىستارىن جۇرگىزۋ اياسىندا ادامگەرشىلىك-رۋحاني ءبىلىم بەرۋ تۇرعىسىندا ء«وزىن-ءوزى تانۋ» باعدارلاماسىنا انىقتاما ەنگىزۋ ۇسىنىلادى.
دۋالدى وقىتۋدى ەنگىزۋگە بايلانىستى زاڭ جوباسىندا وندىرىستىك وقىتۋعا, تالىمگەر مەن تىڭداۋشىعا, تىرەك مەكتەبىنە (رەسۋرستىق ورتالىق) ۇعىمداردى بەكىتۋ تۋرالى ەرەجەلەر بار.
سونىمەن قاتار, زاڭنامالىق دەڭگەيدە ۇسىنىلاتىن تۇزەتۋلەر رەسپۋبليكالىق وقۋ-ادىستەمەلىك كەڭەسىنىڭ, تەحنيكالىق جانە كاسىپتىك, ورتا بiلiمنەن كەيiنگi بiلiم بەرۋ ۇيىمدارىنىڭ قىزمەتى ماسەلەلەرى بويىنشا ادىستەمەلىك جۇمىستى كۇشەيتۋگە مۇمكىندىك بەرەتىن سالالىق وقۋ-ادىستەمەلىك بىرلەستىكتەردىڭ مارتەبەسىن زاڭ جۇزىندە بەكىتەدى. ءبىر-ءبىرىن قايتالايتىن جانە ەسكىرگەن ەرەجەلەر الىنىپ تاستالادى, زاڭدارداعى تەحنيكالىق جانە كاسىپتىك ءبىلىم بەرۋ سالاسىنداعى ولقىلىقتار مەن قايشى ەرەجەلەر جويىلادى.
زاڭ جوباسى پالاتانىڭ قاراۋىنا جىبەرىلدى.
