فينالدىق جارىستار قازانات اتشابارىندا ءوتتى. العاشقى كۇننىڭ قورىتىندىسى بويىنشا ايەلدەر اراسىندا ءبىرىنشى ورىندى وليمپيادا چەمپيونى اۆستراليالىق حلوي ەسپوزيتو الدى, ول جالپى 1337 ۇپاي جينادى, (سەمسەرلەسۋ – 226, ءجۇزۋ – 287, سالت ءجۇرىس – 300, لازەرران (جۇگىرۋ+اتۋ) – 524), ەكىنشى ورىندى ۆەنگريالىق سارولتا كوۆاكس الدى, ونىڭ قورىجىنىندا – 1324 ۇپاي (سەمسەرلەسۋ – 244, ءجۇزۋ – 289, سالت ءجۇرىس – 293, لازەرران – 498), ۇزدىك ۇشتىكتى ليتۆالىق دجينتاري ۆينكاۋسكايتە تۇيىندەدى. ونىڭ ۇپايى – 1371 (سەمسەرلەسۋ – 185, ءجۇزۋ – 266, سالت ءجۇرىس – 300, لازەرران – 566).
ەكىنشى كۇننىڭ قورىتىندىسى بويىنشا ەرلەر اراسىندا ءبىرىنشى ورىندى كورەيادان كەلگەن بەسسايىسشى دجينحۋا دجۋن يەلەندى, ول جالپى – 1431 ۇپاي جينادى (سەمسەرلەسۋ – 258, ءجۇزۋ – 305, سالت ءجۇرىس – 300, لازەرران – 568), ەكىنشى ورىن دا كورەيالىق سپورتشىنىڭ ەنشىسىندە ۆۋنتاي دجۋن – 1426 ۇپاي (سەمسەرلەسۋ – 215, ءجۇزۋ – 306, سالت ءجۇرىس – 293, لازەرران – 612) جينادى, ۇشتىكتى يرلانديالىق ارتۋر لەنيگان-و كەيفي تۇيىندەدى, ول – 1425 ۇپاي (سەمسەرلەسۋ – 224, ءجۇزۋ – 307, سالت ءجۇرىس – 300, لازەرران – 591) يەلەندى
ءۇشىنشى كۇن ارالاس ەستافەتامەن قورىتىندىلاندى. ءبىرىنشى ورىندى يتاليالىق بەسسايىسشىلار ەليس سوتەرو مەن ريكاردو دە لۋكا الدى, ەكىنشى ورىندا كورەيالىق سپورتشىلار كۋم سۋن ۆو جانە دجي حۋن لي, ءۇشىنشى ورىندا ۋكراينالىق بەسسايىسشىلار ۆالەريا پەرميكينا مەن پاۆەل تيموشەنكو.
