بيىلعى فورۋم استانا قالاسىنىڭ 20 جىلدىق مەرەكەسى مەن تۇركىستاننىڭ اقيىق اقىنى ماعجاننىڭ 125 جىلدىعىنا, شىڭعىس ايتماتوۆتىڭ 90 جىلدىعىنا, ازەربايجان حالىق رەسپۋبليكاسىنىڭ 100 جىلدىعىنا ارنالىپ وتىر.
فورۋمنىڭ ماراپاتتاۋ راسىمىنەن كەيىن «التايستيكا, تۇركولوگيا, موڭعوليستيكا اسسوتسياتسياسىن» قۇرۋ شەشىمنىڭ قول قويۋ راسىمىنە موڭعوليا عىلىم اكادەمياسىنىڭ پرەزيدەنتى رەدگەل دۇگەرين, رەسەي عىلىمدار اكادەمياسى ءتىل ءبىلىمى ينستيتۋتىنىڭ اعا عىلىم قىزمەتكەرى ولەگ مۋدراك, تۇرىك ءتىل قۇرىمىنىڭ توراعاسى مۇستافا كاچالين مەن حالىقارالىق تۇركى اكادەمياسىنىڭ پرەزيدەنتى دارحان قىدىرالى قول قويدى. قىسقاشا اتام دەپ اتالاتىن قاۋىمداستىق ارعىتەگى التايدان تارايتىن تامىرلاس جۇرتتىڭ مۇراسىن زەردەلەۋ جۇمىسىن ۇيلەستىرەتىن بولادى.
«القالى باس قوسۋعا الىس جانە شەت ەلدەردەن بەلگىلى عالىمدار قاتىسىپ وتىر. بۇل ءوز كەزەگىندە الەمدە گۋمانيتارلىق عىلىمعا دەگەن سۇرانىستىڭ ارتىپ كەلە جاتقانىن كورسەتەدى. ويتكەنى عىلىم, سونىڭ ىشىندە گۋمانيتارلىق عىلىم ەلدەر مەن حالىقتاردى بايلانىستىراتىن – التىن ارقاۋ. بىلتىرعى فورۋمدا تۇركولوگيا, موڭعوليستيكا, التايستيكا سالالارىن بىرگە دامىتۋ تاقىرىپتارى كوتەرىلگەن بولاتىن. بۇل باستاما بيىل ناقتى ناتيجەسىن بەرىپ وتىر. اتالعان قاۋىمداستىقتىڭ جىلىنا ءتورت رەت شىعاتىن جۋرنالى بولادى. سونىمەن قاتار, وسى سەريا بويىنشا ارنايى كىتاپتار شىعارامىز. التايستيكا, تۇركولوگيا, موڭعوليستيكا بويىنشا سەريالاردى شىعارا باستايمىز. قۇتتى بولسىن», - دەدى دارحان قىدىرالى.
ايا ءومىرتاي,
«ەگەمەن قازاقستان»
