اپات سالدارىنان 3 ادام جاراقاتتانىپ, ءبىر ادام تازا تاپقان. قازا تاپقان ادامنىڭ جەكە بەلگىلەرى انىقتالۋ ۇستىندە. ال جامبىل وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ جەتەكشىسى ساۋلە مۇناتاەۆانىڭ ايتۋىنشا, ەكىنشى جولعا پويىز كەلىپ, جولاۋشىلاردى شۋ اۋدانىنىڭ ورتالىعىنا جەتكىزىلۋ جالعاسىپ جاتىر.
وقيعا شۋ اۋدانى مەن شىعاناق ستانتسياسىنىڭ اراسىندا ورىن العان. سونىمەن قاتار, قالعان جولاۋشىلارعا اۆتوبۋستار ۇيىمداستىرىلۋ ۇستىندە. شۋ اۋداندىق ورتالىق اۋرۋحاناسىنىڭ باس دارىگەرى ايدار مۇقاتاەۆ اۋرۋحاناعا ەكى جولاۋشىنىڭ جەتكىزىلگەنىن, قازىرگى كەزدە ولاردىڭ جاعدايىنىڭ جاقسى ەكەنىن ايتتى.
جامبىل وبلىسى əكىمدىگىنىڭ حابارلاۋىنشا, وقيعا ورنىنا وبلىستىق توتەنشە جاعدايلار دەپارتامەنتى تاراپىنان 2 بىرلىك, اتس اۆتوكولىگىمەن 7 ادام, شۋ اۋداندىق توتەنشە جاعدايلار بولىمىنەن 2 ادام, 1 دانا تەحنيكا, "تولە بي" اۋىلى ماڭىنداعى كۇرەجولدىق مەديتسينالىق قىزمەتىنىڭ شۇعىل əرەكەت جاساعىنان 4 ادام, 1 رەانيموبيل, شۇعىل مەديتسينالىق جəردەمنەن 2 دانا تەحنيكا جəنە 6 ادام تارتىلعان.
ءوز كەزەگىندە وقيعا ورنىنداعى بارلىق جولاۋشىلار "شۋ" ستانتسياسىنا "استانا-قىزىلوردا" باعىتىنداعى پويىزبەن كوشىرىلگەن. وسى ورايدا وبلىس əكىمى اسقار مىرزاحمەتوۆتىڭ تىكەلەي تاپسىرماسىمەن وقيعا ورنىنا وبلىس əكىمىنىڭ ءبىرىنشى ورىنباسارى بەكبولات ورىنبەكوۆ, وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ, جامبىل وبلىستىق توتەنشە جاعدايلار دەپارتامەنتى باسشىسىنىڭ مىندەتىن اتقارۋشى تالعات سابيروۆ, جەرگىلىكتى پوليتسيا قىزمەتى باسشىسىنىڭ ورىنباسارى م.بايسەركەنوۆ "كازاۆيااسپاس" تىكۇشاعىمەن اتتاندى.
سونىمەن قاتار, وقيعا ورىن العان سوڭ كوپ كەشىكپەي "جەدەل قۇتقارۋ جاساعى" مەكەمەسىنەن 2 دانا تەحنيكا مەن 8 ادام كومەككە كەلدى. سونداي-اق وبلىستىق توتەنشە جاعدايلار دەپارتامەنتىندە ىستىق جەلى ورناتىلعان. بۇل جەردە توتەنشە جاعدايلار دەپارتامەنتىنىڭ پسيحولوگتارى تۇرعىنداردىڭ اتالعان وقيعا بويىنشا تۋىنداعان ساۋالدارىنا جاۋاپ بەرەتىن بولادى.
حاميت ەسامان,
"ەگەمەن قازاقستان"
