اۋدان اكىمى بەيبىت يسمانوۆ جۇرتشىلىق الدىندا سويلەگەن سوزىندە جاڭا باعىت استانانىڭ 20 جىلدىق مەرەيتويى قارساڭىندا وبلىس اكىمى قۇمار اقساقالوۆتىڭ, ينۆەستيتسيالار جانە دامۋ مينيسترلىگى كولىك كوميتەتىنىڭ قولداۋىمەن اشىلعانىن جەتكىزدى.
بۇل– ەلوردا مەن اۋداندى تىكەلەي جالعاستىراتىن العاشقى ەلەكتر پويىزى. وڭىردە شالقار, يمانتاۋ سەكىلدى تاماشا دەمالىس ورىندارى, قاراساي جانە اعىنتاي باتىرلاردىڭ مەموريالدىق كەشەنى, ايعانىم قونىسى, شوقاننىڭ مۋزەيى ورنالاسقان. دەمەك ىشكى ءتۋريزمدى نىعايتۋداعى ماڭىزدى قادام بولارى ءسوزسىز, دەدى ول.
«ۆولودار» ستانساسىنىڭ باسشىسى الماس كەنجەكەەۆتىڭ ايتۋىنشا, پاۆلودار, قوستاناي, قاراعاندى جاقتارعا باراتىن پويىزدار ستانسا بەكەتىن باسىپ وتەدى. ال ەلەكتر پويىزى اپتاسىنا ەكى رەت قاتىنايدى. جۇرگىنشىلەر كوبەيگەن جاعدايدا 376 ورىندى 6 ۆاگوننىڭ سانى ارتتىرىلاتىن بولادى. ەكى ارالىقتى 5 ساعات 35 مينۋتتا ءجۇرىپ وتەدى. بيلەت قۇنى 1504-1943 تەڭگە ارالىعىندا. ۆاگوندار وتە جايلى, كونديتسيونەر, جۇمساق ورىندىقتار, بەينەباقىلاۋ قويىلعان.
– مەن ساۋمالكولدە تۇرامىن. كوكشەتاۋعا جەتۋ ءۇشىن تاكسيگە 2 مىڭ تەڭگە تولەيتىنمىن. ەندى ەلەكتر پويىزبەن جەتسەم, باعاسى بار-جوعى 700 تەڭگە عانا, – دەيدى العاشقى جولاۋشىلاردىڭ ءبىرى يليا لازوركين.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى,
ايىرتاۋ اۋدانى
