بۇل ورايدا وزىق تەحنولوگيالاردى وندىرىسكە ەنگىزۋ, كەڭىنەن قولدانۋ, ەڭ الدىمەن تسيفرلاندىرۋ جونىندەگى قاناتقاقتى باعدارلامالارعا جۇگىنۋ مامانداردى كاسىبي جاعىنان دايىنداۋدىڭ, بىلىكتىلىگىن ارتتىرۋدىڭ ماڭىزدى قادامى بولىپ تابىلارى ءسوزسىز. وبلىس ورتالىعىندا جۇمىسسىز ازاماتتار ءۇشىن تسيفرلى ساۋاتتىلىقتى وقىتۋ بويىنشا IT-ورتالىعىنىڭ اشىلاتىنى سونىڭ ءبىر ايعاعى بولىپ تابىلادى. «نۇر وتان» پارتياسى وبلىستىق فيليالىندا وتكەن باسقوسۋعا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى مەن «ەسىل» دامىتۋ ايماقتىق ورتالىعىنىڭ وكىلدەرى قاتىسىپ, جۇمىسسىز ازاماتتار جانە ءوزىن-ءوزى جۇمىسپەن قامتۋشىلار ءۇشىن IT-ورتالىقتار قۇرۋ, تسيفرلى جوبالاردى جۇزەگە اسىرۋ ماسەلەلەرى اياسىندا وي-پىكىرلەر الماسىپ, مەموراندۋمعا قول قويدى.
فيليال توراعاسىنىڭ ءبىرىنشى ورىنباسارى ارتۋر مولداعۇلوۆ مەموراندۋمدا پارتيانىڭ جاڭا جوباسىن جۇزەگە اسىرۋدىڭ العىشارتتارى قاراستىرىلعانىن, ونداعى ماقسات ازاماتتاردىڭ تسيفرلى ساۋاتتىلىعىن ارتتىرۋدى جانە بىلىكتى IT-ماماندار پۋلىن ازىرلەۋدى دىتتەيتىنىن اتاپ كورسەتتى. تاياۋ ارادا وبلىس ورتالىعىندا ەكى IT-ورتالىق اشىلاتىنىن, بۇل جۇمىس اۋدانداردا دا جالعاساتىنىن جەتكىزدى. العاشقى جىلى جۇزدەن استام مامانداردى وقىتۋ جوسپارلانعان. جوباعا قاتىسۋشىلار سۇرانىسقا يە تسيفرلىق داعدىلارىنا جانە باعدارلامالاردىڭ زاماناۋي تىلدەرىندە وقىتىلاتىن بولادى.تۇلەكتەردى جۇمىسقا ورنالاستىرۋعا جاردەم بەرىلەدى. ونىڭ تۇپكى قورىتىندىسى IT-كاسىپكەرلىكتى دامىتۋ باسىمدىعىنا نەگىزدەلەدى. جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى الدىندا ءىت-ورتالىقتاردىڭ تىزبەسىن ايقىنداۋ مىندەتى تۇر. قالا مەن اۋداندىق جۇمىسپەن قامتۋ ورتالىقتارىنا ءىت-ورتالىقتارعا وقۋعا جىبەرىلەتىن تۇلعالاردىڭ كونتينگەنتىن ناقتى انىقتاۋ تاپسىرمالارى جۇكتەلدى. ءوز كەزەگىندە «ەسىل» دامىتۋ ايماقتىق ورتالىعى IT-مامانداردى دايارلاۋ جانە وقىتۋ بويىنشا قىزمەتتەر ۇسىنادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
