رەسپۋبليكالىق بالالار بايقاۋىنا 300-گە جۋىق سۋرەتشى جەتكىنشەك قاتىستى. ولاردىڭ 50-ءى عانا ۇزدىك اتانىپ, 8 بالا جۇلدەلى ورىندارمەن ماراپاتتالدى. باس جۇلدەنى د.ستاۆنيچايا مەن ۆ.كاۆارەنتكا يەلەنسە, جۇلدەلى ءبىرىنشى ورىندى و.بەسپالوۆا مەن ا.پانومورەنكو الدى. ەكىنشى ورىندى د.سەيۆۋحينا مەن ب.بەيسەمبەكوۆا الدى. ال ءۇشىنشى ورىن م.قايراتوۆا مەن ا.سنەلحانوۆاعا بۇيىردى.
ء«بىزدىڭ كومپانيامىز قازاقستانعا شيرەك عاسىر بۇرىن كەلدى جانە تاۋەلسىز مەملەكەتكە قولداۋ كورسەتكەن, سەنىم بىلدىرگەن ءبىرىنشى ءىرى باتىستىق ينۆەستور بولدى. ءبىزدىڭ ءىرى الەۋمەتتىك جوبالارىمىزدىڭ ءبىرى جاس ۇرپاقتى ەكولوگيالىق قۇندىلىقتارعا ونەر ارقىلى باۋلۋ بولىپ تابىلادى. ءبىز بۇگىن تاماشالاپ وتىرعان سۋرەتتەردە بالالاردىڭ قورشاعان ورتانىڭ سۇلۋلىعىن, قازاقستان حالقىمىزدىڭ مادەنيەتىن بەينەلەۋگە قۇشتارلىعىن انىق كورىپ وتىرمىز», دەدى «شەۆرون» كومپانياسىنىڭ وكىلى لەيلا ايتمۇحانوۆا.
بايقاۋعا قاتىسۋشىلار بەينەلەۋ قۇرالدارمەن قورشاعان الەمدى, ياعني تۋعان تابيعاتتىڭ سۇلۋلىعىن, سۇيىكتى قالاسىن, جەتىستىكتەرىن, قازاقستاننىڭ بارلىق قازاقستاندىقتار ءۇشىن ورتاق ءۇي دارەجەسىن كورسەتۋگە تىرىسقان.
بايقاۋ اياسىندا بەينەلەۋ جانە دەكوراتيۆتى–قولدانبالى ونەر, ءمۇسىن جانە قىش بويىنشا شەبەرلىك–كلاستار, ەلوردانىڭ اسەم دە سالتاناتتى ورىندارىمەن تانىسۋ جانە ۇلتتىق مۋزەيگە, «ماڭگىلىك ەل» سالتاناتتى اركاسىنا بارۋمەن ەكسكۋرسيالار جانە ت.ب. قىزىقتى شارالار جۇزەگە اسىرىلدى.
ميراجان ماحان,
ل.ن.گۋميلەۆ اتىنداعى ەۇۋ,
جۋرناليستيكا جانە ساياساتتانۋ فاكۋلتەتىنىڭ 1 كۋرس ستۋدەنتى
