جيىنعا قاتىسقان ءدىن ىستەرى جانە ازاماتتىق قوعام ءمينيسترى دارحان كالەتاەۆ ازاماتتىق اليانس قازاقستانداعى ازاماتتىق سالانى دامىتۋشى كۇشتەردىڭ ءبىرى بولىپ قالا بەرەتىنىنە توقتالدى. «بۇل قۇرىلىم ەلىمىزدىڭ بارلىق وڭىرلەرىندەگى ۇكىمەتتىك ەمەس ۇيىمداردىڭ بەلسەندى جانە تاجىريبەلى كوشباسشىلارىن بىرىكتىرە الادى, سونداي-اق حالىقارالىق ۇيىمدارمەن, بيزنەس جانە مەملەكەتتىك ورگاندارمەن بىرلەسكەن ءتيىمدى جۇمىستى ۇيىمداستىرۋدى قامتاماسىز ەتەدى», دەدى د. كالەتاەۆ. سونىمەن قاتار مينيستر ۇكىمەتتىك ەمەس سەكتوردىڭ تۇراقتىلىق دەڭگەيىن كوتەرۋ جانە ۇكىمەتتىك ەمەس ۇيىمدار مەن مەملەكەت اراسىنداعى كونسترۋكتيۆتى بايلانىستى ورناتۋ بويىنشا اتقارىلىپ جاتقان جۇمىستار تۋرالى ايتىپ ءوتىپ, كوممەرتسيالىق ەمەس ۇيىمداردىڭ قىزمەتى تۋرالى زاڭ جوباسىنىڭ نەگىزگى جاڭاشىلدىقتارىنا توقتالدى.
جيىندا قازاقستاننىڭ ازاماتتىق اليانسىمەن بىرلەسە جۇزەگە اسىرۋ ءۇشىن بىرقاتار ناقتى باستامالار ۇسىنىلدى. اتاپ ايتقاندا, ازاماتتىق قوعامدى دامىتۋ سالاسىنداعى زاڭنامانى جەتىلدىرۋ جانە ازاماتتىق سەكتوردى دامىتۋ جونىندەگى جول كارتاسىن ىسكە اسىرۋ جۇمىستارىندا ازاماتتىق اليانستىڭ الەۋەتىن بارىنشا پايدالانۋ ماسەلەسى كوتەرىلدى.
سونىمەن قاتار كونفەرەنتسيادا ۇكىمەتتىك ەمەس ۇيىمداردى قايتا تىركەۋدەن وتكىزۋ تۋرالى ۇسىنىس تالقىلاندى. ەلىمىزدە 20 مىڭنان استام ۇيىم تىركەلگەن كورىنەدى. قارجى جانە ادىلەت مينيسترلىكتەرى جۇرگىزگەن تەكسەرۋدەن كەيىن ولاردىڭ 8 مىڭدايى مۇلدەم جۇمىس ىستەمەيتىنى انىقتالعان.
ۆەنەرا تۇگەلباي,
«ەگەمەن قازاقستان»
