IT-تەحنولوگياسىن دامىتۋعا ارنالعان شاراعا كاسىپكەرلەر پالاتاسى, جاستار رەسۋرستىق ورتالىعى, ءبىلىم باسقارماسىنىڭ وكىلدەرى قاتىستى
«ستارتاپ – بيزنەستەگى جاڭا باعىت, ونىڭ ماقساتى قىسقا مەرزىمدە سالىنعان ينۆەستيتسيانىڭ ورنىن تولتىرىپ, پايدا تابۋ. ونىڭ اشىلۋى ستۋدەنتتەر مەن بيزنەس وكىلدەرىنىڭ اراسىندا ءتيىمدى بايلانىس ورناتىپ, تىڭ يدەيالار مەن ومىرشەڭ جوبالاردى ىسكە اسىرۋعا مۇمكىندىكتەر تۋدىرادى. رۋحاني جاڭعىرۋ باعدارلاماسى كىتاپحانالاردى سونى باعىتتا ءبىلىم الۋ ورتالىعىنا اينالدىرۋ تالابىن قويىپ وتىر. بۇل ورايدا تسيفرلى قازاقستان جوباسى ۇلكەن ماڭىزعا يە», دەدى ءوز سوزىندە وبلىس اكىمىنىڭ ورىنباسارى ماديار قوجاحمەت.
«پروفيت» فيرماسىنىڭ ديرەكتورى انتون يۋسيچەۆتىڭ ايتۋىنشا ورتالىقتىڭ باستى باعىتتارىنىڭ ءبىرى– ءوز جوباسىن ىسكە اسىرا الماي جۇرگەن جاستارعا كومەك بەرۋ. يننوۆاتسيالىق جوبالاردى ىسكە اسىرۋ ءۇشىن 3د پرينتەرلەرى, ميكروكومپيۋتەرلەر, جوعارى تەحنولوگيالىق زاماناۋي قۇرىلعىلار ورناتىلعان. اقىل-كەڭەس قىزمەتتەرى دە كورسەتىلەدى.
ەڭ باستىسى, جاستار ءۇشىن وتە قولايلى بولماق. قازىردىڭ وزىندە ونىڭ كومەگىنە جۇگىنۋشىلەر كوپ. وزىق جوبالاردى ىسكە اسىرۋ ارقىلى ينۆەستيتسيا تارتۋ, يننوۆاتسيالىق باعىتتى دامىتۋ جولدارى قاراستىرىلعان.
ءومىر ەسقالي,
«ەگەمەن قازاقستان»
