5 ماۋسىمنان باستاپ قر دسم كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا جانە «RIXOS» قوناق ۇيىندە شەبەرلىك ساباقتارى ۇيىمداستىرىلا باستادى. ءتورت كۇن بويى كارديولوگيالىق جانە تەراپيالىق قىزمەتتى ۇيىمداستىرۋ ماسەلەلەرى, جۇرەك-قانتامىرلارى اۋرۋلارىن جانە تەراپيالىق اۋرۋلاردى ديگنوستيكالاۋ, ەمدەۋ جانە پروفيلاكتيكا جاساۋعا ارنالعان جاڭا تاسىلدەمەلەر, سونداي-اق, ددسۇ-نىڭ باستاپقى مەديتسينالىق-سانيتارلىق كومەك (بمسك) جونىندەگى الما-اتالىق دەكلاراتسياسىنىڭ جەتىستىكتەرى تالقىلانادى. بۇگىن كارديولوگتار قاۋىمداستىعىنىڭ ح كونگرەسى اياسىندا العاشقى ءباسپاسوز ءماسليحاتى ءوتتى.
قالىپتاسقان داستۇرگە ساي ەۋروپا كارديولوگتارى قوعامىمەن جانە ەۋروپانىڭ جۇرەك قىزمەتى جەتىسپەۋشىلىگى جونىندەگى قاۋىمداستىعىمەن بىرلەسكەن سەسسيا وتەدى. كونگرەسس اياسىندا جىبەك جولى ەلدەرىنىڭ جۇرەك ىرعاعى قوعامىمەن بىرلەسكەن سەسسياسى مەن ەۋروپا كارديولوگتارى قوعامىنىڭ ترومبوزدار جونىندەگى جۇمىس توبىمەن بىرلەسكەن وتىرىسى وتەدى.
فورۋم جۇمىسىنا الىس جانە تاياۋ شەتەلدەن عالىمدار, ەلىمىزدىڭ بۇكىل وڭىرلەرىندەگى دەنساۋلىق ساقتاۋ جۇيەسىنىڭ باسشىلارى, باس ماماندار, كارديولوگتار, اريتمولوگتار, ينتەرۆەنتسيالىق كارديولوگتار جانە كارديوحيرۋرگتار قتاتىسادى. جاس عالىمدار مەكتەبى وتكىزىلىپ, ونىڭ ارتىنشا بايقاۋ ۇيىمداستىرىلادى.
فورۋم سوڭىندا دەنساۋلىق ساقتاۋ جۇيەسىندەگى باستى ماسەلەلەردى قامتىپ, قازاقستان رەسپۋبليكاسىنداعى كارديولوگيالىق قىزمەتتى جەتىلدىرۋ جولدارىن بەلگىلەيتىن قارار قابىلدانادى دەپ جوسپارلانعان.
كونگرەسس كەزىندە ءدارى-دارمەكتەر, دياگنوستيكالىق ەمدەۋ جابدىقتارى, زاماناۋي اقپاراتتىق تەحنولوگيالار جانە مامانداندىرىلعان مەديتسينالىق باسىلىمدار كورمەسى وتەدى.
ايناش ەسالي,
«ەگەمەن قازاقستان»
الماتى
