دوسىم, ارىپتەسىم سول قاعيداتىن «ەگەمەن قازاقستان» گازەتىندەگى شيرەك عاسىرلىق جۇمىسىندا ۇنەمى جالاۋلاتۋمەن بولدى. 1992-2017 جىلدار ارالىعىندا كوكشەتاۋ, سولتۇستىك قازاقستان, اقمولا وبلىستارىندا باس باسىلىمنىڭ مەنشىكتى ءتىلشىسى جاۋاپكەرشىلىگىن ارقالاي ءجۇرىپ, ءتالىم-تاعىلىمى مول سان جانردا وقىرمانىن تولعاندىرا ءبىلدى. باقبەرگەن امالبەكوۆتىڭ «باق سالاسىنىڭ ۇزدىگى», «مادەنيەت قايراتكەرى», قازاقستان جۋرناليستەر وداعى سىيلىعىنىڭ لاۋرەاتى اتانۋى, بىرنەشە مەدالمەن ماراپاتتالۋى ادال ەڭبەكتىڭ اقتالعاندىعىن اڭعارتادى.
قازاقستان جۋرناليستەر وداعىنىڭ مۇشەسى ب.امالبەكوۆ «قارجى پوليتسياسىنىڭ قارىمى», «كەرىمسال» (پوەزيا), «الەمگە ادەمى قاراڭىز», «قايىعىن قيسايتپاعاندار قاعيداتى», «سىرىن ۇعۋ الەمنىڭ – تۇزۋىمەن سالەمنىڭ» اتتى كىتاپتاردىڭ اۆتورى. ول سونداي-اق «زەرەندى كوكتەمى» جاس اقىندار جيناعىن قۇراستىرىپ, قارت اقىن ماشھۇربەك امانجولوۆتىڭ «وتكەن كۇندەر ورنەگى», كارىم جۇسىپبەكوۆتىڭ «سونبەس ساۋلە» كىتاپتارىن ادەبي وڭدەپ, باسپاعا دايىندادى. اۋدارما ولەڭدەرى «ورىس پوەزياسىنىڭ انتولوگياسىنا» ەنگەنىن دە ايتا كەتكىمىز كەلەدى. ونىڭ ىستىق ىقىلاستى پىكىر-تىلەكتەرى قازاقستاننىڭ تۇڭعىش پرەزيدەنتى ن.ءا.نازارباەۆتىڭ 70 جىلدىعىنا ارنالعان كىتاپقا ەنگەن. سونداي-اق ول قازاقستان حالقى اسسامبلەياسى اقمولا بولىمشەسى ءانۇرانىنىڭ قازاقشا ءماتىنىنىڭ اۆتورى. قازىرگى كۇنى وبلىس پەن قالانىڭ قوعامدىق شارالارىنا بەلسەنە قاتىسۋدا.
زەينەت جاسىنداعى ارىپتەسىمىزدىڭ جاقىندا جارىق كورگەن «الەمگە ادەمى قاراڭىز», «سىرىن ۇعۋ الەمنىڭ – تۇزۋىمەن سالەمنىڭ», «قايىعىن قيسايتپاعاندار قاعيداتى» اتالاتىن كىتاپتارى «ەگەمەن قازاقستانداعى» جارقىن كۇندەردىڭ وقىرمان الدىنداعى ادەمى ەسەبى سياقتى ءتاتتى اسەر قالدىرادى. بۇل شىعارمالاردا تۇشىمدى ماقالالار, سىرشىل سۇحباتتار, تاعىلىمدى وچەركتەر توپتاستىرىلعان. مۇندا وزەكتى تاقىرىپتار ءورىلىپ, ادەمى ءومىر ءسۇرۋ ءۇشىن الەمگە ادەمى قاراي ءبىلۋ كەرەكتىگى ۇشقىر وي, كوركەم تىزبەلەرمەن جاتىق باياندالادى.
كىتاپتار قالىڭ وقىرماننىڭ پايىمىن كەڭەيتىپ, جاس جۋرناليستەردىڭ كاسىبي شىڭدالۋىنا سەپتەسەدى دەگەن ويدامىز.
قورعانبەك امانجول,
«ەگەمەن قازاقستان»
