«ماتەريالدار جينادىق, گەنومدىق ساراپتاما جۇرگىزىلەتىن بولادى. سودان كەيىن سيپاتتاماسىنا سالىستىرمالى ساراپتاما جاساپ, قورىتىندى شىعارامىز. مەنىڭشە, بۇل جۇمىستارعا شامامەن ءۇش اپتا ۋاقىت كەتەدى», - دەدى بەكشين.
ونىڭ ايتۋىنشا, وسى جۇمىستار اياقتالعاننان كەيىن مەنينگيت جۇقپاسىنىڭ ەلىمىزدە بۇرىننان بار دەرت ەكەندىگى, تۋريستەر نە شەتەلدىك قوناقتاردان تارالعانى ناقتى انىقتالاتىن بولادى.
ء«بىزدىڭ حالقىمىز دا بيزنەس ماسەلەلەرىمەن تۋريستىك ساپارلارمەن ۇنەمى قوزعالىستا بولادى. قازاقستاننىڭ ىشىندە دە كوشى-قون پروتسەسى وتە جوعارى», - دەيدى باس سانيتارلىق دارىگەر.
بۇدان بولەك قازاقستاننىڭ باس مەملەكەتتىك سانيتارلىق دارىگەرى قازاقستاندىقتارعا بەتپەردە تاعىپ جۇرۋگە كەڭەس بەردى.
«اسىرەسە ادام كوپ جەردە, قوعامدىق كولىكتەردە جاقىن تۇرامىز. سوندىقتان بىررەتتىك بەتپەردە تاعىپ جۇرۋگە كەڭەس بەرەمىز. كوپ مارتە قولدانۋعا بولاتىن بەتپەردەڭىز بولسا, ونى ۇتىكتەپ, جۋىپ, قايتا كيىڭىز. بىررەتىك بەتپەردەنى ارى كەتسە ەكى ساعات قولدانۋعا بولادى, ارى قاراي ول جارامسىز», دەدى دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ كوميتەتىنىڭ توراعاسى بەكشين استاناداعى بريفينگتە.
«بىررەتتىك بەتپەردەنى قولدانعاننان كەيىن تاستاۋ كەرەك. ەكى-ءۇش ساعاتتان ارتىق تاعىپ ءجۇرۋ كەڭەس ەتىلمەيدى, سەبەبى تىنىس الۋ كەزىندە دىمقىل اۋا تارايدى, وندا باكتەريا مەن ۆيرۋس كوبەيۋى ىقتيمال. سوندىقتان ءاربىر ەكى-ءۇش ساعات سايىن بەتپەردە اۋىستىرۋ كەرەك. بەتپەردەنى ناۋقاستار تاعۋ كەرەك دەيتىندەر دە بار. اۋىراتىن ادامدار قوعامدىق كولىكتە جۇرمەۋى كەرەك. ولار ءتۇرلى شارالارعا قاتىسپاۋى كەرەك. بەتپەردەنى نەگىزىندە اۋىرماۋ ءۇشىن تاعادى», - دەدى بەكشين.
مۇنىڭ الدىندا قازاقستاننىڭ دەنساۋلىق ساقتاۋ ءمينيسترى ەلجان ءبىرتانوۆ 2018 جىلى مەنينگيت جۇقتىرۋدىڭ 58 جاعدايى تىركەلگەنىن مالىمدەگەن ەدى. 12 ادام قايتىس بولعان, ونىڭ بەسەۋى بالالار. دەرت جۇقتىرعانداردىڭ تىزىمىندە 14 جاسقا تولماعان 18 بالا بار.
