جاڭا تەحنولوگيالارعا قاجەتتىلىك ارتقان سايىن عىلىم الەمىندەگى جەتىستىكتەر العا شىعىپ, اقپاراتتىق جۇيەنىڭ وقىرمان سۇرانىسىنا ساي جۇمىس ىستەيتىنى زاڭدىلىق. «نۇر وتان» پارتياسى جامبىل وبلىستىق فيليالى مەن وبلىستىق مادەنيەت, ارحيۆتەر جانە قۇجاتتاما باسقارماسى اراسىندا جاسالعان مەموراندۋم نەگىزىندە ش.ءۋاليحانوۆ اتىنداعى وبلىستىق عىلىمي-امبەباپ كىتاپحاناسىندا 30 ادامعا ارنالعان «برودكاستينگ» زالى اشىلدى. سونىمەن قاتار 10-عا جۋىق كومپيۋتەر مەن 6 مونوبلوك قويىلعان ەلەكتروندى زال دا زامان تالابىنا ساي جاساقتالعان.
«برودكاستينگ» زالىنىڭ تۇساۋكەسەر راسىمىنە وبلىس اكىمىنىڭ ورىنباسارى ەرقانات مانجۋوۆ قاتىسىپ, جاڭا اقپاراتتىق تەحنولوگيالارمەن جابدىقتالعان زالدارمەن تانىستى. مۇندا كىتاپحانا قىزمەتكەرلەرىنىڭ جۇمىسىن ءبىر جۇيەگە تۇسىرۋگە ءتۇرلى مۇمكىندىكتەر دە قاراستىرىلعان ەكەن. ماسەلەن, ا4 فورماتىنداعى 3D پرينتەرلەر, مونوبلوكتار جانە جوعارى جىلدامدىقتى ينتەرنەت جەلىسى بار. ءوز سوزىندە «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى مۇراتحان شۇكەەۆ ەلباسىنىڭ تاپسىرماسىنا سايكەس قابىلدانعان «تسيفرلى قازاقستان» باعدارلاماسىن جۇزەگە اسىرۋ ماقساتىندا پارتيانىڭ 10 ستراتەگيالىق جوبا بەلگىلەگەنىن ايتتى.
– سونىڭ ىشىندەگى ەڭ ماڭىزدى ماسەلەلەردىڭ ءبىرى – تسيفرلاندىرۋعا كوشۋ, سونداي-اق جاستارعا اقىسىز ءىت-سىنىپتارىن اشۋ, ءوزىن-ءوزى جۇمىسپەن قامتىعان ازاماتتاردى اقپاراتتىق تەحنولوگيالار ورتالىعىندا وقىتۋ قولعا الىنۋدا. ال «برودكاستينگ» زالى قازاقستاننىڭ زاماناۋي كىتاپحانالارى جوباسى اياسىندا اشىلدى. بۇل باستاما كىتاپحانالار جۇيەسىن تسيفرلاندىرۋدى كوزدەيدى, – دەدى ول.
جاڭا اشىلعان «برودكاستينگ» زالىندا بەينەكونفەرەنتسيالار وتكىزۋگە مۇمكىندىكتەر بار جانە وبلىس اۋداندارىنداعى 10 كىتاپحانا دا ونلاين جۇيەگە قوسىلعان. سونىمەن قاتار ش.ءۋاليحانوۆ اتىنداعى وبلىستىق عىلىمي-امبەباپ كىتاپحانادا قۇندى كىتاپتار سەرياسىنا ەنگىزىلگەن 5539 كىتاپتىڭ ەلەكتروندى نۇسقاسى جاسالعان ەكەن. كىتاپحانا ديرەكتورى ەلميرا ابدينوۆانىڭ ايتۋىنشا, مۇندا جەرگىلىكتى اقىن-جازۋشىلارمەن كەلىسىلىپ 100 كىتاپ تسيفرلاندىرىلعان. جانە بۇگىندە 5639 تۋىندىنى وقىرماننىڭ ەلەكتروندى فورماتتا وقۋعا مۇمكىندىگى بار. بۇگىنگى تاڭدا ولكەتانۋ كىتاپتارىن تسيفرلى جۇيەگە كوشىرۋگە دايىندىق جۇمىستارى جۇرگىزىلىپ كەلەدى. اتالعان جۇيە ارقىلى رەسپۋبليكالىق جانە ورتالىق كىتاپحانالار اراسىنداعى بايلانىس ارتىپ, كىتاپحانالار ءوزارا ەلەكتروندى تۇردە ادەبي شىعارمالار الماساتىن بولادى.
حاميت ەسامان,
«ەگەمەن قازاقستان»
جامبىل وبلىسى
