قازاقستاندىق باق وكىلدەرىنە ارنالعان بريفينگ بارىسىندا دەلەگاتسيا باسشىسى – قازاقستانمەن ىنتىماقتاستىق جونىندەگى توپتىڭ توراعاسى بوب ستيۋارت استاناداعى ساپارى مەن كەلىسسوزدەردەن العان ءوزىنىڭ اسەرى تۋرالى ايتتى. ول بريتاندىق پارلامەنتتە قازاقستاننىڭ «وكىلى» بولۋدى ماقتان تۇتاتىنىن اتاپ ءوتتى. « ۇلىبريتانيا قازاقستاندى بولاشاقتىڭ ەلى, ينۆەستيتسيالارعا اشىق, زاڭداردى ۇستاناتىن جانە قىسقا مەرزىمدە جاڭا وزگەرىستەرگە بەيىم بارىنشا بولۋعا تىرىسقان ەل رەتىندە قاراستىرادى», دەدى ب. ستيۋارت.
دەپۋتاتتار تاۋەلسىزدىك جىلدارىندا قول جەتكىزگەن قازاقستاننىڭ ەكونوميكالىق جەتىستىكتەرىن جوعارى باعالادى. ولار ەلباسى نۇرسۇلتان نازارباەۆتىڭ ەلىمىزدىڭ قازىرگى جەتىستىكتەرىندەگى ەرەكشە ءرولىن اتاپ ءوتتى. ء«بىز پرەزيدەنتتىڭ ساياساتى حالىق تاراپىنان ۇلكەن قولداۋ كورىپ وتىرعانىن بايقادىق. پرەزيدەنت 27 جىل ىشىندە ەلدىڭ وسىنداي دامۋ دەڭگەيىنە جەتۋ ءۇشىن تاماشا جۇمىس ىستەگەن», دەدى ب.ستيۋارت.
بريتاندىق دەپۋتاتتار نازارباەۆ ۋنيۆەرسيتەتىندە قازاقستاندىق ستۋدەنتتەرمەن اڭگىمەلەستى. ولاردى جاستاردىڭ ومىرلىك ۇستانىمى, بىلىمگە دەگەن قۇشتارلىعى جانە بولاشاققا دەگەن سەنىمدىلىگى تاڭعالدىردى. بريتاندىق دەپۋتاتتاردىڭ پىكىرىنشە, بۇل قازاقستاننىڭ قازىرگى كۇنى قانداي ەكەنىن جانە بولاشاقتا قانداي بولاتىندىعىن كورسەتەتىن ەڭ جاقسى دالەل بولىپ تابىلادى.
جۋرناليستەردىڭ قازاقستان مەن ۇلىبريتانيا اراسىنداعى عىلىمي جانە مادەني ىنتىماقتاستىقتى كەڭەيتۋ تۋرالى, بريتاندىق جوعارى وقۋ ورىندارىندا ءبىلىم الىپ جاتقان قازاقستاندىق ستۋدەنتتەردىڭ سانىن ارتتىرۋ تۋرالى سۇراعىنا جاۋاپ بەرە وتىرىپ, ۇلىبريتانيا پارلامەنتى لوردتار پالاتاسى توراعاسىنىڭ ورىنباسارى لورد دەننيس روگان قازاقستاندىق ستۋدەنتتەردى ءوز ەلىندە عانا قابىلداپ قويماي, سونىمەن قاتار ۇلىبريتانيا ستۋدەنتتەرىن دە قازاقستانعا وقۋعا جىبەرۋدى ۇسىندى.
بريتاندىق دەپۋتاتتاردىڭ استاناعا جاساعان ساپارىنىڭ ماقساتتارىنىڭ ءبىرى قازاقستاننىڭ ينۆەستيتسيالىق الەۋەتىن زەرتتەۋ بولعان. بريتاندىقتار قازاقستان ۇكىمەتى «KAZAKH INVEST» ارقىلى ىسكە قوسىلعان ينۆەستورلارعا قولداۋ كورسەتۋ تەتىگى ۇلىبريتانياداعىداي جۇمىس ىستەيتىنىن اتاپ ءوتتى.
«ەگەمەن-اقپارات»
