«اگەنتتىكتىڭ سىبايلاس جەمقورلىققا قارسى ءىس-قيمىل ۇلتتىق بيۋروسى ەنەرگەتيكا ۆيتسە-ءمينيسترى جاقساليەۆتىڭ ششۋچينسك-بۋراباي كۋرورتتىق ايماعىنداعى كولدى تازارتۋ بويىنشا جۇمىستاردى قابىلداۋ بارىسىنداعى زاڭعا قايشى ارەكەتتەرىن اشكەرەلەدى. كۇدىكتى ۆيتسە-مينيستر 2015 جىلى «ايماق ي ك» جشس مەردىگەر ۇيىمىنىڭ مۇددەسى ءۇشىن لاۋازىمدىق وكiلەتتiگىن تەرىس پايدالانعان», - دەدى ول.
ونىڭ ايتۋىنشا, جاقساليەۆ ورىندالعان جۇمىستىڭ كولەمى 30 ەسە ارتىق باعالانعانىن بىلە وتىرىپ, جالپى سوماسى 863 ملن تەڭگەنى قۇرايتىن سۋ قويماسىنىڭ تۇبىنەن 109 مىڭ تەكشە مەتر شوگىندىلەردى الۋ تۋرالى اكتىلەرگە قول قويىپ, اتالعان سومانى مەردىگەرگە اۋدارعان.
«سونىمەن قاتار, سوت ساراپتاماسىنىڭ قورىتىندىسى بويىنشا اياقتالماعان جۇمىستاردىڭ قۇنى 746 ملن تەڭگەنى قۇرادى. جاقساليەۆتىڭ زاڭسىز ارەكەتتەرى ناتيجەسىندە مەملەكەتكە اتالعان سوماعا زيان كەلتىرىلدى. كۇدىكتى ۇيقاماققا الىندى», - دەدى جاحين.
ايتا كەتەيىك, بۇل, جەمقورلىق كۇدىگى بويىنشا ۇستالىپ وتىرعان ەنەرگەتيكا ءمينيسترىنىڭ ەكىنشى ورىنباسارى. اعىمداعى جىلدىڭ 2 ناۋرىزى كۇنى استانا قالاسىنىڭ №2 الماتى اۋداندىق سوتى ۆيتسە-مينيستر عاني سادىبەكوۆتى ەكى ايعا قاماۋدا ۇستاۋ تۇرىندەگى بۇلتارتپاۋ شاراسىن قولدانۋ تۋرالى شەشىم شىعاردى. كەيىن مينيستر ورىنباسارىنىڭ قاماۋدا ۇستاۋ تۇرىندەگى بۇلتارتپاۋ شاراسى ۇيقاماققا اۋىستىرىلدى.
ع.سادىبەكوۆكە «ايماق» جشس مەردىگەرلىك ۇيىمىنىڭ باسشىسى د. دۋانبەكپەن ءسوز بايلاسىپ, ششۋچينسك-بۋراباي كۋرورتتىق ايماعىنداعى كولدى تازارتۋعا بولىنگەن اسا ءىرى مولشەردەگى بيۋدجەت قاراجاتىن جىمقىردى دەگەن ايىپ تاعىلىپ وتىر. قىلمىسقا ەنەرگەتيكا مينيسترلىگىنىڭ دەپارتامەنت باسشىسى ج. نۇربەكوۆ جانە مەردىگەر ۇيىمنىڭ وكىلدەرى س. جۇمالينوۆ جانە ب. قادىربەرلين دە قاتىسقان.
