انكارا قالاسىنداعى نەدجيپ فازىل اتىنداعى دراما تەاترىندا قازاق əدەبيەتىنىڭ كلاسسيگى بەردىبەك سوقپاقباەۆتىڭ «مەنىڭ اتىم – قوجا» كىتابى تانىستىرىلىپ, پوۆەست جەلىسىمەن تۇسىرىلگەن ابدوللا قارساقباەۆتىڭ ء فيلمى كورسەتىلدى. تۇركياداعى مادەني كۇندەر ء«سۇيىنباي ارون ۇلى» اتىنداعى ساياباقتا ءسۇيىنباي ارون ۇلى مەن جامبىل جاباەۆتى ەسكە الۋ جيىنىمەن جالعاسىپ, جامبىل اتىنداعى كوشەدە ەسكەرتكىش-تاقتا اشىلدى. بابالار رۋحىنا تاعزىم جاسالىپ, قۇران باعىشتالدى. جيىن بارىسىندا قازاقستاننىڭ تۇركياداعى ەلشىسى ا.ساپاربەك ۇلى ەكى ەل باۋىرلاستىعىنا شىنايى ريزاشىلىعىن ءبىلدىردى. «تۇركى جەرىندە ابىزدارىمىزدىڭ ارداقتالىپ جاتقانى تۇركى جۇرتىمەن باۋىرلاستىعىمىزدىڭ ايعاعى. بۇدان بىلايعى مادەني سالاداعى ىنتىماقتاستىعىمىز تۋىستىعىمىزدىڭ تەرەڭدەۋىنە ىقپال ەتەتىنى ءسوزسىز» دەي كەلە, كەچيورەن مۋنيتسيپاليتەتىنىڭ مەرى مۇستافا اك مىرزاعا شىنايى العىسىن ءبىلدىردى.
جامبىل اۋدانىنىڭ ءماسليحات حاتشىسى س.جۇرىن جامبىل اۋدانىنداعى ءبىر كوشەگە كەچيورەن اتاۋىنىڭ بەرىلگەنىنە توقتالىپ, ءماسليحاتتىڭ شەشىمىن تابىس ەتتى. ال حالىقارالىق «جامبىل» قورىنىڭ پرەزيدەنتى م. ءىزباسار تۇركى الەمى جازۋشىلارى جانە ونەرپازدار قورىنىڭ پرەزيدەنتى ياحيا اكەنگينگە حالىقارالىق جامبىل سىيلىعىن تاپسىردى.
«قازاقستان كۇندەرى» انكاراداعى ىحلامۋر سارايىندا استانا قالاسىنىڭ 20 جىلدىعىنا ارنالعان دوڭگەلەك ۇستەلمەن جالعاستى. اتالعان جيىنعا ەلشى ا.ساپاربەك ۇلى, تۇركيا ۇلى ۇلتتىق ءماجىلىسىنىڭ (تۇۇم) دەپۋتاتى حاليۋك يپەك, قوجا احمەت ياساۋي ۋنيۆەرسيتەتى وكىلەتتى كەڭەسىنىڭ توراعاسى مۇسا يىلدىز, اقتوبە قالاسىنىڭ اكىم ورىنباسارى ق.قاسىموۆ, ەكوەۋرازيا قاۋىمداستىعىنىڭ توراعاسى حيكمەت ەرەن, جازۋشى-اۋدارماشى س.سوقپاقباەۆا, ادەبيەتتانۋشى-عالىم ن.بەكەەۆا, ت.ب. قاتىستى.
تۇۇم دەپۋتاتى حاليۋك يپەك قازاقستان-تۇركيا قارىم-قاتىناستارىندا استانا قالاسىنىڭ الار ورنى ەرەكشە ەكەندىگىن ايتا كەلە, قازاقستان استاناسىنىڭ تاريحى ن.نازارباەۆتىڭ ەسىمىمەن تىعىز بايلانىستى ەكەندىگىن تىلگە تيەك ەتتى. سونداي-اق, سيريا ماسەلەسىندە استانا پروتسەسىنىڭ عالامدىق ساياساتقا تيگىزگەن ىقپالى زور, دەپ اتاپ كورسەتتى.
جيىن سوڭىندا ەلشىسى ا.ساپاربەك ۇلى كەچيورەن مۋنيتسيپاليتەتىنىڭ اكىمشىلىگىنە زور العىسىن ءبىلدىردى. سونىمەن بىرگە اقتوبە قالاسى مەن انكارا-كەچيورەن مۋنيتسيپاليتەتى اراسىنداعى ىنتىماقتاستىق تۋرالى حاتتاماعا قول قويىلدى. اقتوبە قالاسى اكىمىنىڭ ورىنباسارى ق.قاسىموۆ وبلىس اكىمى ب.ساپارباەۆتىڭ سالەمىن جەتكىزىپ, مۇستافا اك مىرزاعا شاپان جاپتى.
«قازاقستان كۇندەرى» «كالابا كەنت» الاڭىندا وتكەن «قازاقستان كەشى» مەن «انتارەس» ساۋدا ورتالىعىنداعى «استانانىڭ 20 جىلدىعى» كونتسەرتىنە ۇلاستى.
«قازاقستان كۇندەرى» مالاتيا, افشين قالالارىندا جالعاسىن تاپتى.
ەلۆيرا سەرىكقىزى,
«ەگەمەن قازاقستان»
