ءوزارا سەنىم وزەگى

پارلامەنت سەناتى توراعاسىنىڭ ورىنباسارى الەكساندر سۋدين باستاعان پالاتا دەپۋتاتتارى گفر ءىىم پارلامەنتتىك ستاتس-حاتشى, فەدەرالدىق ۇكىمەتتىڭ كوشى-قون جانە از ۇلتتار جونىندەگى ۋاكىلى, قازاقستاندا تۇراتىن نەمىستەر ماسەلەسى جونىندەگى قازاق­ستان-گەرمانيا ۇكىمەتارالىق كوميسسياسىنىڭ تەڭ توراعاسى كريستوف بەرگنەرمەن كەزدەستى. كەزدەسۋ بارىسىندا قازاقستان مەن گەرمانيانىڭ ەكىجاقتى قاتى­ناس­تارىن ودان ءارى دامىتۋ ماسە­لە­لەرى تالقىلاندى. «گەرمانيا قازاقستاننىڭ ەۋروپاداعى ما­ڭىز­دى ارىپتەسى بولىپ تابى­لا­دى», – دەدى ا.سۋدين جانە ول ەكى مەملەكەت اراسىنداعى ساياسي سىندارلى ۇنقاتىسۋدى اتاپ ءوتتى. «قازاقستاندا گەرمانيا فەدەرال­دىق كانتسلەرى ا.مەركەلدىڭ ءوت­كەن جىلعى شىلدەدەگى رەسمي سا­پا­رىنىڭ ناتيجەلەرى جوعارى با­عا­لاندى», – دەدى توراعانىڭ ورىن­باسارى جانە ول قازاقستاندا نەمىس دياسپوراسىنىڭ بولعانى مەن گەر­مانيادا تۇراتىن قازاقستان­نىڭ بۇرىنعى ازاماتتارى ەكى­جاق­تى قاتىناستاردى نىعايتۋدا باستى ارقاۋ بولاتىنىن اتاپ ءوتتى. سونداي-اق ول مەملەكەتارالىق قاتىناستاردا پارلامەنتارالىق ىنتىماقتاستىق نەگىزگى قۇرامداس­تىڭ ءبىرى بولاتىنىن ايتا كەلىپ, سەناتتا گەرمانيا فەدەرالدى پارلامەنتىمەن ىنتىماقتاستىق توبى, ال گفر بۋندەستاگىندا «گەرمانيا-ورتالىق ازيا» پارلامەنتتىك توبى جۇمىس ىستەيتىنىن اتاپ ءوتتى. كەزدەسۋ بارىسىندا ا.سۋدين پارلامەنت قازاقستان رەسپۋب­لي­كاسى مەملەكەتتىك تاۋەلسىزدىگىنىڭ 20 جىلدىعى دەكلاراتسياسىن قا­بىلدايتىنى تۋرالى ايتتى. وندا وسى كەزەڭدەگى نەگىزگى ناتيجەلەر كورىنىس تاباتىن بولادى, دەدى ول. ول سونداي-اق الداعى جىلعى قاڭ­تار ايىندا پارلامەنت ءماجىلىسى مەن جەرگىلىكتى وكىلدى ورگاندار – ءماس­ليحاتتاردىڭ سايلاۋى وتەتىنىن جەتكىزدى. ءبىز سايلاۋ ناۋقانىنا باسا نازار اۋدارامىز», – دەدى ا.سۋدين جانە پارلامەنت ساي­لاۋى حا­لىقارالىق ەرەجەلەر مەن ستان­دارت­­تارعا سايكەس وتەتىنىن مالىمدەدى. ك.بەرگنەردىڭ ايتۋىنشا, قا­زاقستان مەن گەرمانيانىڭ ەكى­جاق­تى قاتىناستارى اۋقىمدى جانە ءوزارا سەنىم تۇرعىسىندا سي­پات­تالادى. «قازاقستاندا بارلىق جاعداي جاسالعان, نەمىستەردىڭ بايلانىستىرۋشى ءرولى وسىلاي ايقىندالادى», – دەدى ك.بەرگنەر. ونىڭ پىكىرىنشە, «ىنتىماق­تاس­تىق­تىڭ بۇل باعىتى قازاقستان مەن گەرمانيانىڭ ەكىجاقتى قاتى­ناستارىنىڭ ىرگەتاسىنداعى ما­ڭىزدى كىرپىش بولىپ تابىلادى. ك.بەرگنەر قازاقستاندىقتاردى تاۋەلسىزدىكتىڭ 20 جىلدىعىمەن قۇتتىقتادى جانە الداعى پارلامەنت ءماجىلىسى سايلاۋىنىڭ تابىستى وتۋىنە تىلەكتەستىگىن ءبىلدىردى, دەپ حابارلادى پارلامەنت سەناتىنىڭ ءباسپاسوز قىزمەتى.