ە.ىدىرىسوۆتىڭ ايتۋىنشا ەكى ەل اراسىنداعى قاتىناستار 2013 جىلى ستراتەگيالىق ارىپتەستىك دەڭگەيىنە جەتىپ, جالپى 26 جىل بويى نىعايىپ كەلە جاتىر. قوس تاراپ ەكونوميكالىق بايلانىستاردى, ساۋدا-ينۆەستيتسيالىق ىنتىماقتاستىقتى دامىتۋعا ەرەكشە كوڭىل بولۋدە.
ەكىجاقتى ساۋدا اينالىمى تۇراقتى ءوسىپ كەلە جاتىر – 2017 جىلدىڭ ناتيجەسىندە بۇل كورسەتكىش وتكەن جىلدىڭ كورسەتكىشىمەن سالىستىرعاندا 1,5%-عا ءوسىپ, 1,28 ملرد. اقش دوللارىن قۇرادى. قازاقستان اۋماعىندا بريتاندىق قاتىسۋمەن 800-دەن استام زاڭدى تۇلعالار, فيليالدار جانە وكىلدىكتەر تىركەلگەن. ەڭ ءىرى بريتاندىق كومپانيالار بەدەلدى قازاقستاندىق بيزنەس-ۇيىمداردىڭ, سونىڭ ىشىندە قازاقستان پرەزيدەنتى جانىنداعى شەتەل ينۆەستورلار كەڭەسىنىڭ قۇرامىنا كىرەدى.
ۇلىبريتانيا قازاقستاننىڭ ەڭ ءىرى ساۋدا ارىپتەستەرىنىڭ وندىعىنا كىرەدى جانەسونىمەن قاتار ەلىمىزدىڭ ەكونوميكاسىنداعى ءىرى شەتەلدىك ينۆەستورلاردىڭ اراسىندا التىنشى ورىنعا يە. سوڭعى 13 جىلدىڭ ىشىندە ۇلىبريتانيادان تارتىلعان تىكەلەي شەتەلدىك ينۆەستيتسيالار 12 ميلليارد اقش دوللاردان اسىپ, وسى كەزەڭدە ەلىمىزگە تارتىلعان شەتەلدىك ينۆەستيتسيالار جالپى كولەمىنىڭ 5%-ىن قۇرادى.
بىرىككەن كورولدىكتىڭ بيزنەس وكىلدەرى اراسىندا الدىمىزداعى «استانا» حالىقارالىق قارجى ورتالىعىنىڭ رەسمي اشىلۋى ۇلكەن قىزىعۋشىلىق تۋدىرۋدا. ورتالىق ءوزىنىڭ رەسمي جۇمىس ءتىلى رەتىندە اعىلشىن ءتىلىن پايدالانباق, جانە ونىڭقىزمەتى بريتاندىق قۇقىق قاعيداتتارىنا نەگىزدەلگەن بولادى. احقو-نىڭ قۇرامىنا كىرەتىن سوت جانە اربيتراجدىق ورگاندارعا حالىقارالىق ابىرويعا يە بەدەلدى بريتاندىق زاڭگەرلەر توراعالىق ەتەدى.
جوعارى تەحنولوگيالار مەن تسيفرلىق ەكونوميكا باعىتتارىندا دامىعان ەكىجاقتى ىنتىماقتاستىقتىڭ, سونداي-اق قارجى, اۋىل شارۋاشىلىق جانە كولىك-لوگيستيكا سالالارىنداعى بىرلەسكەن جوبالاردىڭ الەۋەتى الدەقايدا جوعارى.
قازاقستان بىرىككەن كورولدىكپەن ستراتەگيالىق ارىپتەس رەتىندە جان-جاقتى ىنتىماقتاستىقتى ودان ءارى دامىتۋدى كوزدەۋدە.
