شاراعا پارلامەنت سەناتىنىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى ج.م.نۇرعاليەۆ, قر پارلامەنت سەناتىنىڭ دەپۋتاتى ا.پ.راۋ, قر اۋىل شارۋاشىلىق ۆيتسە-ءمينيسترى ا.ق.ەۆنيەۆ, س.سەيفۋللين اتىنداعى قازاتۋ رەكتورى ا.ق.كۇرىشباەۆ, ADA جوباسىنىڭ جەتەكشىسى ر.ديتحارد, قازاقستاننىڭ گەرمانياداعى ەلشىسى ب.ت.نۋسۋپوۆ, گەرمانيانىڭ قازاقستانداعى ەلشىسىنىڭ ءبىرىنشى ورىنباسارى د.ۆاينبەرگ, سونداي-اق وتاندىق جانە شەتەلدىك اۋىل شارۋاشىلىعى سالاسىنىڭ عالىمدارى مەن ماماندارى قاتىستى.
فورۋمنىڭ ماقساتى - ەكى ەلدىڭ عالىمدارى مەن كومپانيالارىنىڭ اراسىنداعى اتالمىش ماسەلەلەر بويىنشا قارىم-قاتىناستى دامىتۋ جانە وسى باعىتتاعى سوڭعى جاڭالىقتار تۋرالى حاباردار ەتۋ.
وزەكتى ماسەلەگە ارنالعان اتالمىش فورۋم قازاقستاندا العاشقى رەت ۇيىمداستىرىلۋدا. فورۋم جۇمىسى بارىسىندا گەرمانيا مەن قازاقستاننىڭ 10 جەتەكشى عالىمدارى, فەرمەرلەرى مەن ساراپشىلارى بايانداما جاسادى.
باسقارما توراعاسى ا.ق.كۇرىشباەۆ ءوز سوزىندە وقۋ وردامىزدا اوك تسيفرلاندىرۋ ءۇشىن عىلىمي كادرلار جانە تەحنيكالىق پوتەنتسيالمەن قاتار, تسيفرلاندىرۋ جۇيەسىن تاجىريبەلىك تۇرعىدان ىسكە اسىرۋعا بولاتىنىن جەتكىزدى. قازىرگى تاڭدا الەمنىڭ جەتەكشى عىلىمي ورتالىقتارىمەن تىعىز قارىم-قاتىناس ورناتىپ, تسيفرلاندىرۋ سالاسىنداعى ءبىلىم مەن عالىمنىڭ وزىق ۇلگىسىن ىزدەستىرۋ جۇمىستارى جۇرگىزىلۋدە. سونىمەن قاتار, باسقارما توراعاسى تۇتىنۋشىلارعا ۇسىنىلاتىن اناليتيكالىق ماتەريالداردىڭ دالدىگىن ارتتىرۋ, وقيعالار مەن ونىمدىلىكتى بولجاۋ ءۇشىن عارىشتىق مونيتورينگتىڭ ءادىسناماسىن جەتىلدىرۋ قاجەت. «وسى تۇرعىدا دامىعان ەلدەردىڭ, ءبىرىنشى كەزەكتە نەمىس ارىپتەستەرىمىزدىڭ تاجىريبەسى وتە ماڭىزدى», - دەدى اقىلبەك قاجىعۇل ۇلى. سونداي-اق رەكتور اعىمداعى جىلدىڭ باسىندا ۋنيۆەرسيتەت اۋىل شارۋاشىلىعىن تسيفرلاندىرۋ ءۇشىن عىلىمي-ادىستەمەلىك ورتالىققا اينالعانىن اتاپ ءوتتى. قازىرگى تاڭدا ورتالىقتا سالالىق ساراپشى ماماندار جۇمىس اتقارۋدا. تۇتىنۋشىلارعا بەرىلەتىن اناليتيكالىق ماتەريالداردىڭ دالدىگىن ارتتىرۋ, وقيعالار مەن بولجامداۋ تۇرعىسىنان عارىشتىق مونيتورينگتىڭ ءادىسناماسىن جەتىلدىرۋ قاجەت ەكەنىن ايتتى.
اۋىل شارۋاشىلىق ۆيتسە-ءمينيسترى ا.ق.ەۆنيەۆ قر 2025 جىلعا دەيىن ارنالعان ستراتەگيالىق دامۋ جوسپارىمەن تانىستىردى. 2017-2021 جىلدارعا ارنالعان اوك دامىتۋ جونىندەگى مەملەكەتتىك باعدارلاماسى مەن اگروونەركاسىپتىك كەشەنىن تسيفرلىق جۇيەگە كوشىرۋ ماڭىزدىلىعىنا, ياعني اوك ساياساتى اۋىلشارۋاشىلىق ونىمدىلىگىن ارتتىرۋ, اۋىلشارۋاشىلىق ونىمدەرىن قايتا وڭدەۋدى تەرەڭدەتۋ, ەلدىڭ ازىق-ت ۇلىك قاۋىپسىزدىگىن قامتاماسىز ەتۋ جانە ەكسپورتقا باعدارلانعان ەكولوگيالىق تازا ونىمدەردىڭ وسۋىنە باسا نازار اۋداراتىنىن اتاپ ءوتتى. 5 جىلدىڭ ىشىندە ەڭبەك ونىمدىلىگىن جانە قايتا وڭدەۋ ونىمدەرىنىڭ ەكسپورتىن 2,5 ەسەگە ارتتىرۋ جوسپارلانىپ وتىر.
دوكتور و.حۋنگەر فەرمەرلەر تاراپىنان تسيفرلىق جۇيەگە كوشىرۋگە قويىلاتىن تالاپتار جانە اۋىلشارۋاشىلىق وندىرىسىندە تسيفرلاندىرۋدىڭ قابىلدانۋىنا اسەر ەتەتىن فاكتورلاردىڭ ورنالاسۋ دالدىگىن انىقتاۋ ءۇشىن تەستتەردى قولدانۋ مۇمكىندىكتەرى تۋرالى, سونداي-اق گەرمانيادا اۋىل شارۋاشىلىعىن تسيفرلىق جۇيەگە كوشىرۋدىڭ نەگىزگى ەلەمەنتى قىزمەت كورسەتۋ ەكەنىن اتاپ ءوتتى. Big Data قوسىمشالارى ءاربىر جەكە كاسىپورىننىڭ ەرەكشەلىگىنە بەيىمدەلگەن اناليتيكالىق جانە قولدانبالى باعدارلامالار ءتيىمدى پايدالانۋدىڭ شەشۋشى شارتى بولىپ تابىلادى. اگروونەركاسىپتىك كاسىپورىنداردىڭ باسشىلارىنا قولداۋ كورسەتۋ قۇرىلىمدىق جانە ناقتى بيزنەستىڭ ماسەلەلەرىنە باعدارلانعان اناليتيكا جاساۋدى, سونداي-اق كاسىپورىن ءۇشىن پايدالى ناتيجەلەردى قالىپتاستىرۋعا ىقپال ەتەدى.
«Neu-Seeland» AgrarGmb باسقارۋشى ديرەكتورى H گ. ليسسو نەمىس اۋىلشارۋاشىلىق سالاسىنداعى ناقتى ەگىنشىلىكتىڭ 20 جىلدىق تاجىريبەسىمەن ءبولىستى. وتكەن جىلعى ونىمدىلىك كارتالارى مەن اەروفوتوسۋرەتتەردى قولدانا وتىرىپ, ءاداپتيۆتى الەۋەتتى باسقارۋ مودەلى جاسالۋدا. ءدال وسىنداي ۇلگىدە جاسالعان باسقارۋ جۇيەسىندە تاجىريبە مەن بولجامدار ۇيلەسىپ, بەلگىلى ءبىر القاپتاردىڭ ايرىقشا شارتتارى ەسكەرىلەتىنىن جەتكىزدى.
قاتىسۋشىلاردىڭ باياندامالارى اۋىل شارۋاشىلىعىنداعى تسيفرلىق تەحنولوگيالاردىڭ نەگىزگى ۇردىستەرىنە ارنالدى. قاتىسۋشىلار اۋىلشارۋاشىلىق سالاسىن تسيفرلىق جۇيەگە كوشىرۋدىڭ, ەگىنشىلىككە دالمە-ءدال تەحنولوگيالاردى ەنگىزۋدىڭ پراكتيكالىق تاجىريبەسىمەن, «اقىلدى فەرما» (Smart Farming) مەن جاساندى ينتەللەكتى قۇرۋ, ءىرى كولەمدەگى بازا دەرەكتەرىن جۇيەلەۋ ادىستەرى جايىندا پىكىر الماستى.
العاشقى گەرمان-قازاق بىرلەسكەن «اۋىل شارۋاشىلىعىن تسيفرلىق جۇيەگە كوشىرۋ» فورۋمى اياسىندا ارنايى كورمە ۇيىمداستىرىلدى. كورمەدە «قازاقستان رەسپۋبليكاسىنىڭ اگروونەركاسىپتىك كەشەنىنىڭ ينفراقۇرىلىمدىق تسيفرلاندىرۋ» باعدارلاماسى, اۋىل شارۋاشىلىق بيزنەسىن اۆتوماتتاندىرۋ تەحنولوگياسى جانە اۋىلشارۋاشىلىق كاسىپورىندارىن تسيفرلاندىرۋ ءۇشىن باعدارلامالىق قامتاماسىز ەتۋ, وندا Smart Vet LIS (ۆەتەرينارلىق لابوراتوريالىق جۇيە), smaXtec (اقىلدى ءسۇت فەرماسى), AgroOptim اقپاراتتىق-اناليتيكالىق جۇيەسى, كونتسەنتراتورى بار قۇيىندى جەل قوندىرعىسى جانە ت.ب. جوبالار كورسەتىلگەن.
فورۋم قاتىسۋشىلارى شەتەلدىك ارىپتەستەرمەن بىرلەسىپ اشىلعان تەحنولوگيالىق پلاتفورمالار جانە ورتالىقتارمەن, اتاپ ايتساق, قازاق-گەرمان ناقتى ەگىنشىلىك ورتالىعى, اوك تسيفرلاندىرۋ بويىنشا قازاق-قىتاي ورتالىعى, قازاق-قىتاي اۋىل شارۋاشىلىعىن مەحانيكالاندىرۋ ورتالىعى, ينجەنەرلىك كادرلاردى دايارلاۋ جانە قايتا دايارلاۋ قازاق-بەلارۋس ورتالىعىمەن, سونىمەن قاتار «اقمولا فەنيكس» اق-نىڭ ناقتى ەگىنشىلىكتىڭ ءىس جۇزىندەگى تاجىريبەسىمەن تانىستى.
