كوميسسيا بيۋدجەتتىك جانە ۇلتتىق قوردان ەلىمىزدە قابىلدانعان «نۇرلى جول» مەملەكەتتىك باعدارلاماسىنا بولىنگەن قاراجاتتىڭ ماقساتتى جانە ءتيىمدى جۇمسالۋىن باقىلاۋ ءۇشىن قۇرىلعان. پارلامەنت دەپۋتاتتارى اقمولا وبلىسى ەرەيمەنتاۋ اۋدانى -پاۆلودار وبلىسى شىدەرتى اۋىلىنا دەيىنگى جول قۇرىلىسى قالاي جۇرگىزىلىپ جاتقانىن كورۋگە كەلدى. كوميسسيا مۇشەلەرىن ايماقتاعى مەملەكەتتىك باعدارلامانىڭ جۇزەگە اسىرىلۋىمەن «قازاۆتوجول» ۇق» اق وبلىستىق فيليالىنىڭ باسشىسى قايرات كارىباەۆ جانە وبلىس اكىمىنىڭ ءبىرىنشى ورىنباسارى ۇلان جازىلبەك تانىستىردى.
«ۇزىندىعى 905 شاقىرىمدىق ورتالىق-شىعىس جوباسى 2010 جىلدان بەرى جۇرگىزىلىپ كەلەدى. ماقسات – پاۆلودار-استاناا تاس جولىن ءى جانە ءىى تەحنيكالىق ساناتتارعا جەتكىزۋ. كولىكتىك ءدالىزدىڭ قايتا جوندەۋ جۇمىستارى 2019 جىلى تولىق اياقتالادى دەپ جوسپارلانۋدا», - دەيدى قايرات كارىباەۆ.
ەكى ارالىقتاعى جول بويىندا يراندىق «دەناراحسازكونستراكشن» كومپانياسى جۇمىس ىستەگەن كەزدە 115 شاقىرىمدىق جولدىڭ 3 ۋچاسكەسىندە كۇردەلى جاعداي تۋىنداعان. تالاپتار ورىندالماعان سوڭ, 2017 جىلى كەلىسىم-شارتتار توقتاتىلدى. سوندىقتان, استانا-پاۆلودار ۋچاسكەسىندەگى جول قۇرىلىسى جۇزەگە اسپاي قالدى. قازىر قۇرىلىس-مونتاج جۇمىستارىنا كىرىسكەن جاڭا مەردىگەر ۇيىمدار («اكم» جشس, «اۆتودورسەرۆيس» فيرماسى جشس, «ك-دورستروي» اق) بەلگىلەندى.
ءماجىلىس دەپۋتاتى گ. ششەگەلسكيدىڭ ايتۋىنشا ءماجىلىس دەپۋتاتتارى – «نۇر وتان» پارتياسى فراكتسياسىنىڭ مۇشەلەرى استانا – پاۆلودار ,اقمولا وبلىسى اۆتوجولىنىڭ قۇرىلىسىندا بولدى. قۇرىلىس جۇمىستارىنا قاتىستى كۇردەلى جاعداي- جولدىڭ پاۆلودار وبلىسىنا تيەسىلى ۋچاسكەسىندا انىقتالدى. جاعداي تۇزەلۋدە. قازىرگى كەزدە جۇمىستار قارقىندى ءجۇرىپ جاتىر. مەردىگەرلەر جول قۇرىلىسىن ساپالى, ءارى مەرزىمگە سايكەس اياقتاماق.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ايبەك جۇماتوۆ
