جەڭىس ساياباعىنداعى مەموريالعا گۇل قويۋ راسىمىنە قوعامدىق ۇيىمدار وكىلدەرى, مەملەكەتتىك قىزمەتشىلەر, ءماسليحات دەپۋتاتتارى, سوعىس ارداگەرلەرى, قۇقىق قورعاۋ ورگاندارى قىزمەتكەرلەرى, رەپرەسسيا قۇرباندارىنىڭ ۇرپاقتارى قاتىستى. اتىراۋ وبلىسىندا ەكى مىڭنان استام ادام رەپرەسسياعا ۇشىراعان.
شاراعا وبلىس اكىمى نۇرلان نوعاەۆ قاتىسىپ, ەلدىڭ جارقىن بولاشاعى ءۇشىن باستارىن قاتەرگە تىككەن قۇربانداردى وسكەلەڭ ۇرپاق اركەز ەستە ساقتاۋى كەرەك ەكەنىن اتاپ ءوتتى.
- جيىرماسىنشى عاسىردا وتانداستارىمىز قۋعىن-سۇرگىنگە ۇشىرادى, كوپ قيىندىق كوردى. قازاقستاندا 103 000 ادام تەرگەۋدەن ءوتتى, 25000 ادام قاتاڭ جازالاندى. ءبىزدىڭ بەيبىت ءومىرىمىز ءۇشىن بابالارىمىز توككەن قان مەن تەردى جادىمىزدان شىعارماۋىمىز كەرەك. مەملەكەت باسشىسى جالپىحالىقتىق كەلىسىمنىڭ نەگىزى بەيبىتشىلىك, مەيىرىم مەن ادىلەت سەكىلدى قۇندىلىقتاردى قازاقستاندىقتاردىڭ جەتە سەزىنۋلەرىندە ەكەنىن اركەز ايتىپ كەلەدى,-دەدى نۇرلان نوعاەۆ.
- تاريحىمىزدىڭ بۇل پاراعى دا ەسىمىزدە بولۋى ءتيىس. اعا بۋىننىڭ مىندەتى جاستاردى وتانشىلدىق رۋحتا تاربيەلەۋ. تاۋەلسىزدىك ءۇشىن كۇرەسكەندەردى ايتىپ وتىرۋىمىز كەرەك.بۇگىندە مەملەكەت باسشىسىنىڭ دانا ساياساتى ارقاسىندا قازاقستان تاۋەلسىز, قۇقىقتىق مەملەكەت بولدى. ءار ادام وركەندەگەن, تۇراقتى ەلدە تۇرۋعا لايىق. بىرلىگىمىزدى ساقتاۋدىڭ ماڭىزى زور. وكىنىشتى وتكەنىمىزدى ەسكە الا وتىرىپ, ەندى قايتالانباۋىن تىلەيىك. بولاشاعىمىز جارقىن, ساۋلەلى بولسىن.
ايتا كەتەيىك, قر پرەزيدەنتى نۇرسۇلتان نازارباەۆتىڭ 31 مامىر 1997 جىلعى جارلىعى بويىنشا قازاقستاندا ساياسي رەپرەسسيا قۇرباندارىن ەسكە الۋ كۇنى اتالىپ وتەدى.
