ليتۆا استاناسىنىڭ اۋەجايى قازاق تاراپىنا قوناقجايلىلىق تانىتتىپ, وسىنداي جاعدايلارعا ءداستۇرلى, ۇشاقتى ەكى ءورت بولدىرماۋشى ارقىلى جاساعان سۋ ارقا ارقىلى ءوتۋ ءراسىمى وتكىزدى.
قازاقستان مەن ليتۆا اراسىنداعى اۋە قاتىناستى تابىستى ىسكە قوسىلۋىنا بايلانىستى ۆيلنيۋس اۋەجايىندا ءبىرىنشى رەيسپەن كەلگەن قازاقستاندىق بۇقارالىق اقپارات قۇرالدارىنىڭ وكىلدەرى ءۇشىن ءباسپاسوز كونفەرەنتسياسى ءوتتى.
«SCAT» اۆياكومپانياسىنىڭ PR-قىزمەتىنىڭ باستىعى ۆيكتوريا ستاروجيلوۆا جۋرناليستەردى استانا مەن ءۆيلنيۋستىڭ اپتاسىنا ەكى رەت ء(ار بەيسەنبى جانە جەكسەنبى) ەڭ ىڭعايلى جانە قىمبات ەمەس رەيستەردىڭ بىرىمەن بايلانىستىراتىن تىكەلەي رەيس بويىنشا نەگىزگى تەحنيكالىق جانە كوممەرتسيالىق اقپاراتپەن تانىستىردى.
ليتۆا اەروپورتتار كومپانياسىنىڭ SEO ماريۋس گەلجينيس پەن ليتۆانىڭ قازاقستانداعى ەلشىسى ۆيتاۋتۋس ناۋدۋجاس جۋرناليستەرگە ليتۆا تۋريستىك الەۋەتى تۋرالى ايتىپ بەردى.
قازاقستان رەسپۋبليكاسىنىڭ ليتۆاداعى ەلشىلىگىنىڭ كەڭەسشىسى سەرجان قادىرباەۆ تىكەلەي رەيستىن اشىلۋى ەكى ەل اراسىنداعى ەكونوميكالىق ديالوگتى ارتاراپتاندىرۋعا, ءوزارا ينۆەستيتسيالاردىڭ جاڭا پەرسپەكتيۆالارىن اشۋعا, جوعارى تەحنولوگيالاردى ەنگىزۋگە, مەديتسينالىق جانە ءبىلىم بەرۋ جوبالارىن دامىتۋعا مۇمكىندىك بەرەتىنىنە سەنىم ءبىلدىردى.
