ءباسپاسوز ماجىلىسىندە 31-ارناداعى «I`m a singer Kazakhstan» حالىقارالىق تالانت-شوۋىنىڭ ەكىنشى ماۋسىمىنا دايىندىعى جايىندا جاڭالىقتارىمەن ءبولىسىپ, جوباعا قاتىسۋ ءۇشىن رەسمي كاستينگتىڭ باستالعانىن حابارلادى.
وسىلايشا «31-ارنا» «I`m a singer Kazakhstan» حالىقارالىق تالانت-شوۋىنىڭ ەكىنشى ماۋسىمى باستالدى. بيىل بايقاۋدىڭ جۇلدە قورى 50 000 000 تەڭگەنى قۇراماق! كەڭەستىك كەزەڭنەن كەيىنگى ايماقتا تەڭدەسى جوق بۇل ەرەنجوبا بۇرىنعىسىنشا بۇكىل الەمنىڭ ەڭ مىقتى كاسىبي انشىلەرىن ءوز الاڭىندا جينايتىن بولادى.
بيىل بايقاۋ تورەشىلەرىنىڭ قۇرامىنا شىنىندا دا ناعىز جۇلدىزدار قوسىلماق.
«I`m a singer Kazakhstan» شوۋى قامتىعان اۋماعى مەن اۋقىمى, ۇيىمداستىرىلۋى, وتكىزۋ ساپاسىنا قويىلعان جوعارى ستاندارتتارى جاعىنان قازاقستاندىق نارىقتىڭ الدىنا بيىك مەجە بەلگىلەپ بەردى. رەيتينگتەر كورسەتىپ وتىرعانداي, شوۋ كورەرمەندەردىڭ دە, ۇيىمداستىرۋشىلاردىڭ دا كوڭىلىنەن شىقتى.
«وسى جوبا ارقىلى ءبىز قازاقستاندىق تەلەۆيزيانى ەل اۋماعىنان تىسقارى ايماقتارعا شىعارىپ, كورەرمەننىڭ جوعارى باعاسىنا يە بولدىق, – دەدى «31-ارنا» باس ديرەكتورى باعدات قوجاحمەتوۆ. – ءبىرىنشى كەزەكتە, ءبىز ءاردايىم كورەرمەندەرىمىزدىڭ قىزىعۋشىلىقتارىن ەسكەرۋگە تىرىسامىز. ءبىرىنشى ماۋسىم قورىتىندىسى بويىنشا جۇرگىزىلگەن زەرتتەۋ ناتيجەسىندە شوۋ جانكۇيەرلەرىنىڭ كوڭىلىنە نە جاقىن ەكەنىن انىقتادىق. وسى ارقىلى جاڭا ماۋسىمدا جوبا فورماتىن جەتىلدىرىپ, بايقاۋ جانە كورەرمەندەردىڭ داۋىس بەرۋ تۇجىرىمداماسىن وزگەرتتىك. شوۋدى وتكىزىپ, حابار تاراتۋ ءۇشىن ۇلكەن شىعارماشىلىق جانە تەحنيكالىق, ادامي قورلار جۇمىسقا تارتىلادى. ءبىز ءبىراز دۇنيەنى ۇيرەنىپ, جەتىلىپ, كورەرمەندەرىمىزدىڭ تىلەكتەرىنە قۇلاق سالدىق. دەمەك, جاڭا ماۋسىم بۇدان دا كوپ قازاقستاندىقتاردى تاڭقالدىرادى دەگەن ءسوز. ينتريگانى كۇتىڭىز, ول مىندەتتى تۇردە بولادى!».
«جۇلدە قورى ءبىرىنشى, ەكىنشى جانە ءۇشىنشى ورىن اراسىندا ۇلەستىرىلىپ, جالپى سوماسى 50 000 000 تەڭگە قۇراماق. باس جەڭىمپاز الماتىدا جەكە كونتسەرتىن وتكىزىپ, جاڭا ءانىن جازىپ, بەينەبايان تۇسىرۋگە جانە ونى قازاقستاندىق راديوستانتسيالاردا, مۋزىكا تەلەارنالارىندا جىل بويى روتاتسيالاۋعا مۇمكىندىك الادى», – دەيدى شوۋ جاڭالىقتارىمەن بولىسكەن بايقاۋ تورەشىسى ساكەن مايعازيەۆ.
ايناش ەسالي,
«ەگەمەن قازاقستان».
الماتى
