ءوندىرىس ورنى جاس تەننيسشىلەردىڭ الىس جانە جاقىن شەت ەلدەرگە شىعۋىنا ۇنەمى قولداۋ كورسەتىپ تۇرادى. وسىنداي تالانتتى جاس تەننيسشىلەردىڭ قاتارىندا تاتيانا نيكولەنكونىڭ ەسىمىن اتاۋعا بولادى. بويجەتكەن بيىلعى كوكتەمدە تايلاندتا وتكەن ازيا ويىندارىندا ەكىنشى جانە ءۇشىنشى ورىندى يەلەنگەن-ءدى. «بۇل ويىنداردى ازيا قۇراماسىن جاساقتاۋعا ارنالعان ىرىكتەۋ كەزەڭى دەۋگە بولادى. قۇراماعا ىلىككەن سپورتشىلار جازدا ەۋروپادا وتەتىن تۋرنيرگە بارادى. قىزىم قازىر الماتىدا جاتتىعىپ جاتىر, بىراق تۋرنيرلەردە وسكەمەننىڭ نامىسىن قورعايدى», - دەيدى سپورتشى قىزدىڭ اكەسى يۋري نيكولەنكو. ال تاتيانانىڭ ءوزى: «مەن ءۇشىن ءاربىر جارىستىڭ ماڭىزى ەرەكشە. ماعان جانكۇيەر بولىپ, قولداۋ كورسەتىپ جۇرگەن جاندارعا العىسىم شەكسىز. مەنى قاناتتاندىرعان «Smash» اتتى تەننيس ورتالىعىنا راحمەت ايتامىن», - دەيدى.
ازامات قاسىم,
«ەگەمەن قازاقستان»
وسكەمەن
