شورتانباي اۋىلىنداعى بالىق زاۋىتى بالىق قابىلداۋ جانە وڭدەۋ ىسىمەن اينالىسادى. زاۋىتتا قاقتالعان, كەپتىرىلگەن بالىق, بالىق ونىمدەرى, جارتىلاي فابريكاتتار, شورتان ۋىلدىرىعى دايىندالادى. مەكەمەدە 180-گە جۋىق ادام ەڭبەك ەتەدى, ونىمدەر ىشكى نارىقتان بولەك الىس-جاقىن شەتەلدەرگە ەكسپورتقا شىعارىلادى.
ايماق باسشىسى مەكەمەنى قاراۋ بارىسىندا بيزنەس سۋبەكتىلەرى شىعاراتىن ونىمدەرىنىڭ كولەمىن ارتتىرۋ ءۇشىن مەملەكەتتىك قولداۋ شارالارىن پايدالانا الاتىندارىن اتاپ ءوتتى.
-بىزدە كاسىپكەرلەردى قولداۋعا باعىتتالعان شارالار, جاقسى مەملەكەتتىك باعدارلامالار قاتارى بار,-دەدى نۇرلان نوعاەۆ. -مەملەكەت باسشىسى بيزنەسمەندەرگە قولايلى جاعداي جاساۋ قاجەتتىلىگىنە ماڭىز بەرىپ وتىر. مەملەكەتتىك قولداۋ شارالارىن پايدالانا وتىرىپ, كاسىپكەرلەر شىعاراتىن ونىمدەرىنىڭ كولەمىن, ساپاسىن, ەكسپورتتىق الەۋەتىن ۇلعايتا الادى.
اتىراۋ وبلىسىنىڭ اكىمى يساتاي, قۇرمانعازى اۋداندارىنداعى زاڭسىز بالىق اۋلاۋشىلارعا قارسى قولدانىلاتىن شارالارمەن تانىستى. قۇرمانعازى اۋدانىنداعى سۋ تاسقىنىنا قارسى قورعانىس بوگەتىنىڭ قۇرىلىسىن, قالپىنا كەلتىرۋ جۇمىستارىن دا نازارعا الدى.
نۇرلان نوعاەۆ جۇمىس ساپارى قورتىندىسى بويىنشا جاۋاپتى تۇلعالارعا ناقتى تاپسىرمالار بەردى.
