- كارتينانى تۇسىرۋگە جەتى جىلعا جۋىق ۋاقىت كەتىپتى. وسى كەزەڭ اراسىندا سىزگە ەڭ قيىن بولعانى نە؟
- فيلمدە كوتەرىلەتىن تاقىرىپ جەڭىل تاقىرىپ ەمەس. بۇل پسيحولوگيالىق دراما, سول سەبەپتى ءتۇسىرىلىم كەزىندە قيىنشىلىقتار بولدى. مەن ءوز جۇمىسىمدى وتە قاتتى جاقسى كورەمىن, ول ماعان رۋحاني ءلاززات سىيلايدى. ءدال وسى قاسيەت جانە رەجيسسەردىڭ شىعارماشىلىق الەۋەتىنە دەگەن سەنىم ماعان كۇش بەردى. بۇل تۋىندىدا مەن سومداعان كەيىپكەر كادردىڭ 99,9 پروتسەنتىندە بولدى.
- سامال, قازىرگى كوڭىل كۇيىڭىزبەن بولىسسەڭىز؟
- مۇمكىن, ءالى وسى جۇلدەنى جەڭىپ العانىمدى سەزىنە الماي جاتقان شىعارمىن. ءبارى ءتۇس سەكىلدى. بۇل وتە تاماشا سەزىم. ءبىزدىڭ بارلىق شىعارماشىىق ۇجىم ەڭ جوعارعى جۇلدەنى الۋ ءۇشىن ايانباي ەڭبەك ەتتى, سول ءۇشىن بارىمىزدى سالدىق.
- ءسىز جۇلدە تاپسىرۋ راسىمىندە ۇلتتىق نىشاندارى بار ەرەكشە كويلەكپەن شىقتىڭىز. ونى تاڭداۋعا كوپ ۋاقىت جۇمسادىڭىز با؟
- مەنىڭ وعان ۋاقىتىم مۇلدە بولمادى. ارينە, مەن ۇلتتىق كيىممەن شىققىم كەلدى. ول ءۇشىن قازاقستانعا كەلىپ, ولشەپ كورۋ كەرەك ەدى. قايتالاپ ايتام, بوس ۋاقىت مۇلدە بولعان جوق. ءبىز ءبىزدىڭ وتانداستارىمىزدىڭ - قازاقستاندىق پروديۋسسەرلەردىڭ كومەگىمەن ءتۇرلى وبرازداردى قاراپ كوردىك تە, وسىعان توقتالدىق. بۇل كويلەكتى ماعان ماسكەۋگە اكەلىپ بەردى.
- مىقتى باسەكەلەستەرىڭىز بولعانى ءۇشىن قوبالجىعان ءساتىڭىز بولدى ما؟
- شىنىمدى ايتسام, فەستيۆالگە قاتىسىپ جاتقان بارلىق ءفيلمدى قاراۋعا مۇرشامىز بولمادى. الايدا ءبىز جانكەشتىلىكپەن ەڭبەك ەتتىك, بار جىگەرىمىزدى جۇمساپ, جەڭىسكە جەتۋگە ۇمتىلدىق.
- بارشا وقىرماندارىمىزدىڭ اتىنان ءسىزدى تاريحي جەڭىسىڭىزبەن قۇتتىقتايمىز, سامال. سۇحباتىڭىز ءۇشىن العىس ايتامىز.
