فورۋم جۇمىسىنا تۇركيا, قىرعىزستان, وزبەكستان, تاجىكستان كاسىپوداق كوشباسشىلارى, سونداي-اق, بەلگىلى ەكونوميستەر, ەڭبەك ساراپشىلارى جانە قوعامدىق پىكىر كوشباسشىلارى قاتىستى.
دوڭگەلەك ۇستەل اياسىندا ورتالىق ازيا ەلدەرىندەگى الەۋمەتتىك-ەڭبەك ماسەلەلەرى تالقىلاندى. اتاپ ايتقاندا, ەڭبەك قاۋىپسىزدىگى جانە ەڭبەكتى قورعاۋ, جاستاردى الەۋمەتتەندىرۋ, لايىقتى جانە تابىستى ەڭبەك, گەندەرلىك تەپە-تەڭدىك ماسەلەلەرى, سونداي-اق, لايىقتى ەڭبەكاقى تولەۋ ماسەلەلەرى تالداندى.
ءوز مالىمدەمەسىندە قر كاسىپوداقتار فەدەراتسياسى توراعاسىنىڭ ورىنباسارى ەرلان سايىروۆ اتاپ وتكەندەي, ورتالىق ازيا كومپانيالارى ءۇشىن قازاقستان نارىعىنا ءاردايىم جول اشىق. قر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ مالىمەتتەرىنە سايكەس 2018 جىلعى 1 ناۋرىزدا قازاقستان اۋماعىندا ورتالىق ازيا ەلدەرىنىڭ قاتىسۋىمەن 4,2 مىڭعا جۋىق كاسىپورىن تىركەلگەن, ولاردىڭ 2 مىڭنان استامى قازىرگى تاڭدا جۇمىس ىستەيتىن كاسىپورىندار بولىپ تابىلادى.
ەكونوميكالىق سەرىكتەستىكتىڭ ۇلعايۋىنا بايلانىستى ءبىزدىڭ اۋماقتاعى كوشى-قون اعىمىن رەتتەۋ ماسەلەسى تۋىندايدى.
حالىقارالىق كوشى-قون ۇيىمىنىڭ بولجامى بويىنشا كەلەسى ون جىلدىقتا ورتالىق ازياداعى جۇمىس كۇشىنىڭ ۇسىنىسى 4 ميلليون جۇمىسشىعا ارتادى جانە 2026 جىلدان كەيىن دە ۇلعايۋىن جالعاستىرادى.
سونداي-اق, وتكىر ماسەلەلەردىڭ تاعى ءبىرى اۋىلدى جەرگە قاتىستى بولماق. ماسەلەن, تۇرعىنداردىڭ ەڭ ماڭىزدى قاجەتتىلىكتەرىن قامتاماسىز ەتۋگە مۇمكىندىك بەرمەيتىن ەڭبەكاقىنىڭ تومەنگى دەيگەيى.
قازاقستاننىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ 2016 جىلعى بولجامىنا سايكەس قازاقستاننىڭ ەڭبەك نارىعىنداعى سۇرانىس سوڭعى بەس جىلدا جىل سايىن 60 000 ادامعا ارتپاق. بۇل رەتتە ونەركاسىپ پەن قۇرىلىستاعى ءىرى جوبالاردان ەڭ كوپ سۇرانىس تۋىندايدى.
دوڭگەلەك ۇستەل اياسىندا قركف ەڭبەكشى-ميگرانتتار كاسىپوداعىن قۇرۋ تۋرالى باستاما كوتەردى. بۇل – الەمدىك تاجىريبە. ءوز وتانىنان جىراقتا جۇرگەن ەڭبەكشى-ميگرانتتار كاسىپوداققا مۇشە بولۋ ارقىلى الەۋمەتتىك قورعاۋعا يە بولادى جانە ءوزىن سەنىمدى سەزىنەدى.
قازاقستان كاسىپوداقتارى ءوز قۇزىرەتى مەن مۇمكىندىكتەرىنىڭ اياسىندا مەملەكەتتىك ورگاندار الدىندا الەۋمەتتىك-ەڭبەك قاتىناستارىنىڭ وزەكتى ماسەلەلەرىن كوتەرۋگە جانە قازاقستانداعى ادام كاپيتالى يندەكسىن دامىتۋعا نيەتتى.
وتكەن دوڭگەلەك ۇستەل اعىمداعى جىلى قر كاسىپوداقتار فەدەراتسياسىمەن ۇيىمداستىرىلعان قر ەڭبەك نارىعى ساراپشىلارىنىڭ ەكىنشى ءىرى كەزدەسۋى بولدى. 15 ناۋرىزدا استانادا «ەڭبەك نارىعى: جاھاندىق ۇردىستەر, ماسەلەلەر مەن مۇمكىندىكتەر» اتتى عىلىمي-تاجىريبەلىك كونفەرەنتسيا ءوتتى.
