بۇل ماسەلەدەگى باستى نازار, ونىڭ باستى مىندەتى جولداعى بالالار جاراقاتىنىڭ الدىن الۋ, بالالار مەن جاسوسپىرىمدەر اراسىندا جول قوزعالىسى ەرەجەسىن ساقتاۋدى ناسيحاتتاۋ بولىپ تابىلاتىن جول قوزعالىسى جاس ينسپەكتورلارىنىڭ مەكتەپتەگى توپتارىنىڭ قىزمەتىن ۇيىمداستىرۋعا باعىتتالادى.
جاس ينسپەكتورلار قوزعالىسى توپتارىنىڭ قىزمەتىن جەتىلدىرۋ, سونىمەن قاتار بالالار جول-كولىك جاراقاتىنىڭ الدىن-الۋ جۇمىسىن جانداندىرۋ ماقساتىندا 2018 جىلدىڭ 15 مامىرىندا اقتاۋ قالاسىنداعى №8 ي. سۇيەۋباەۆ اتىنداعى ورتا مەكتەپتە وبلىستىق مامانداندىرىلعانمەكتەپ-ينتەرناتىنىڭ بازاسىندا وبلىستىڭ ءىىد جەرگىلىكتى پوليتسيا قىزمەتىنىڭ ءبىلىم باسقارماسىمەن بىرلەسكەن عازيز بايتاسوۆ اتىنداعى جول قوزعالىسى جاس ينسپەكتورلارىنىڭ 18-ءشى وبلىستىق سلەتى وتكىزىلدى, وندا وبلىستىڭ جيق-نىڭ قالالىق جانە اۋداندىق جەڭىمپازدارى – 7 كوماندا قاتىستى.
سلەتكە قاتىسۋشىلار ساپتىق بايقاۋ, جول قوزعالىسى ەرەجەسىنىڭ بىلگىرلەرى, ۆەلوسيپەدتى مانەرلەپ جۇرگىزۋ, جاس رەتتەۋشى, جاس سانيتار,ۇگىت-ناسيحات توپتارىنىڭ بايقاۋى, تاپقىرلار (ەرۋديتتەر) ءتۋرنيرى, "اشىق ءۇزىلىس" بايقاۋى باعىتتارى بويىنشا سىنعا ءتۇستى.
بايقاۋ ناتيجەسىندە جالپى كوماندالىق بىرىنشىلىكتە 1-ءشى ورىندى №5 مەكتەپ وقۋشىلارىنان قۇرالعان مۇنايلى اۋدانىنىڭ كومانداسى يەلەندى.
2-ورىنعا اقتاۋ قالاسىنىڭ كومانداسى, №8 ورتا مەكتەپ, 3 ورىنعا ماڭعىستاۋ اۋدانىنىڭ جىڭعىلدى سەلوسىنداعى ە.ايشۋاق ۇلى اتىنداعى ورتا مەكتەپتىڭ كومانداسى يە بولدى.
وبلىستىق سلەتتىڭ جەڭىمپازى – مۇنايلى اۋدانىنىڭ №5 ورتا مەكتەبىنىڭ كومانداسى قىزىلوردا قالاسىندا 20-29 تامىز ارالىعىندا وتەتىن رەسپۋبليكالىق سلەتتە ماڭعىستاۋ وبلىسىنىڭ اتىنان ءوز بىلىمدەرى مەن شەبەرلىكتەرىن كورسەتەتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
